انا هقدر اوفره ليكي وان كان على مصاريفك لحد ما تولدي فالفلوس موجوده
زهره بدهشه
= موجوده !! مش فاهمه انتي تقصدي ايه
سالي بخبث
= شوفي يا ستي انا عندي واحده صحبتي عندهم شقه صغيره في اسكندريه
مقفوله طول السنه بيروحوها في الصيف لمدة اسبوع يصيفو ويرجعو ..انا هتفق معاها تقعدي فيها لحد ما تولدي وتدبري
لنفسك سكن تاني
لتتابع بخبث
= وان كان على مصاريفك انتي ومالك
فانتي ممكن تبيعي حاجه م الحاجات الي سيف مغرئك بيها.. عقد ..خاتم ..اسوره وبفلوسهم تقدري تدبري امورك
شهقت زهره برفض
= انتي عاوزاني اخد حاجه من الي هو جبهالي وابيعها ..دا انا كده ابقى بسرقه..انا مستحيل اعمل كده او أخد حاجه مش
بتاعتي
سالي باستهزاء
= انتي عبيطه وهتفضلي طول عمرك عبيطه .. دي هدايا هو جبهالك ..يعني بتاعتك وملكك ..وبعدين انتي هتصرفيهم على
ولاده مش على حد غريب
زهره برفض
= لاء انا مستحيل اعمل كده و
المجوهرات دي انا هسيبها مش عوزاها
سالي بنفاذ صبر
= انتي حره..المهم انا هكلم صحبتي اتفق معاها وانتي تكوني مستعده بكره اول ماسيف يروح الشغل
زهره بحزن وتردد
= كده علطول..
سالي وهي تضغط على نقطة ضعفها
= وهتستني ايه ..هتستني لما ياخد ولادك منك
ويرميكي في الشارع ويديهم لإلهام تربيهم.. عموما انتي حره انا كنت عاوزه اساعدك
زهره بتردد وهي تحزم أمرها
= خلاص يا سالي انا موافقه بكره هكون جاهزه ..انا اهم حاجه عندي ولادي
سالي بانتصار
= يبقى اتفقنا ..اطلعي انتي على اوضتك دلوقتي و اتعاملي عادي عشان سيف ميشكش في حاجه
احتضنت زهره شقيقتها بامتنان وهي تقول بهمس
= ربنا يخليكي ليا انا مش عارفه من غيرك كنت عملت ايه
سالي بمكر
= متقوليش كده دا احنا اخوات وملناش غير بعض
لتهمس لنفسها بخبث وهي تتابع خروج زهره المتعب
= المره دي انا مش هادخل أمين في حاجه ..خليني ألعبها على طريقتي الاول ولو منفعش ..أمين موجود يخلص علطول
لتبتسم لنفسها بثقه و غرور وهي تجري اتصال هاتفي
ثم تتبعه بارسال رساله طويله وبعض الصور من على تليفونها الخاص و تبدء في إرسالها
لتتابع بغرور وهي تستلقي براحه على الفراش
= لو محدش جه وخلصني منها.. يبقى أمين يتدخل ونخلص منها
لتمط شفتيها وهي تبتسم بخبث
= أهي تجربه ومش هنخسر حاجه
توجهت زهره للخارج وهي تشعر بالدوار و بروده في أطرافها لتتفاجأ بسيف يخرج من باب غرفة المكتب برفقة الهام
سيف بدهشه
= زهره !! كنتي فين و ايه الي مصحيكي لغاية دلوقتي
ليتابع بلهفه وهو يشاهد شحوب وجهها
= مالك ياحبيبتي في ايه ..