= طب الورث كله ومقدور عليه نمضيها على تنازل عن كل الي حيلتها
لكن عاوز صاحبة الورث كمان ..طب اذاي انت نسيت انها متجوزه و حامل كمان وألا حلاوتها لحست عقلك
أبو كامل بغلظه
= متجوزه نطلقها ..حامل نسقطها و
بعد عدتها اكتب عليها
الحاجه بغضب
= طيب احنا ممكن نسقطها ذي ما انت بتقول لكن نطلقها اذاي من جوزها
نحط البندقيه على راسه ونطلب منه يطلقها دا يفضحنا وسط البلد ويمكن يبلغ عننا البوليس وكل الي عملناه يضيع
ابو كامل بغلظه
= ليه شيفاني عبيط عشان اعمل كده..احنا هنعمل ذي ما كل الناس ما بيعملو لما بيحبو يطلقو بناتهم
الحاجه بقلة صبر
= والناس بيعملو ايه يا سندي
ابو كامل بابتسامه صفراء
= هنخليها تعمل توكيل لمحامي والمحامي يرفع على جوزها قضية
خلع عشان نخلص بسرعه..
ونبقى كسبنا الورث كله وانا كسبت فوقيهم واحده تملالي البيت ولاد بدل الي انا متجوزها بقالي عشر سنين وعامله ذي
الارض البور بتطرح بنات وبس ..
ليتابع بثقه
= انا حاسس ان الولد هايجي منها ..
وهرفع راسي وسط الناس بدل
خلفة البنات الي حانيه راسي وسط الخلق
هزت الحاجه رأسها وهي تقول بثقه
= وانا موافقه يا ابو كامل اهم شئ تمضي على ورق التنازل واضمن الورث بين إيديا
ابو كامل بابتسامه صفراء
= هتمضي يا أما ..هتمضي وهتجوزها ..وهنجيب الواد
#عشق_على_حد_السيف
الفصل الرابع عشر❤
إبتعدت زهره سريعا عن الباب وهي تشعر بالصدمه والخوف و عينيها ممتلئه بالدموع
لتبتعد سريعا خوفا من ان يراها سيف او الهام لتصطدم بسالي التي حاولت ان تتفاداها
= اه حسبي…
سالي بدهشه وهي ترى امتقاع وجه شقيقتها
=زهره ..مالك بترتعشي كده ليه انتي تعبانه
شعرت زهره بالدوار وهي تقول بهمس وهي تنظر خلفها بخوف نحو باب غرفة المكتب
= وطي صوتك..
سالي بدهشه
=ليه هو في ايه وموطيه صوتك كده ليه
زهره برجاء
= سالي انا محتجاكي اوي وعاوزه اتكلم معاكي انا حاسه اني مخنوقه و مش عارفه افكر
سالي بدهشه من حالة شقيقتها
= طيب تعالي معايا اوضتي نتكلم فيها
واحكيلي على الي انتي عاوزاه
هزت زهره رأسها بموافقه وهي تتجه مع سالي الى غرفتها لتغلق سالي باب الغرفه جيدا وهي تقول بفضول
= في ايه يا زهره مالك
زهره وهي تبكي بانهيار
= سيف ..سيف عاوز..عاوز ياخد مني مالك ويطردني من حياته
سالي بدهشه
= يطردك ..يطردك اذاي مش فاهمه
ارتمت زهره في حضن شقيقتها وهي تقول بانهيار