ليتابع وهو يساعدها في ارتداء ثياب مريحه
= انا عندي اجتماع مهم بكره الصبح هروحه وهرجع علطول نروح للدكتوره
زهره وعينيها تلتمع بالدموع من شدة
رقته معها
مما جعل مشاعرها ترتبك وهي تشعر بالحيره ما بين رقته التي تلمسها من معاملته معها
وبين ما سمعته منه من حديث سئ عنها
رفعها سيف بحنان وذهب بها للفراش ليضعها عليه بحنان وهو يأخذها بين احضانه و يحكم الغطاء من حولهم
ويقبلها بحنان على جبهتها وهو يضمها اليه ويهمس في إذنها برقه
= نامي يا حبيبتي وحاولي تسترخي
و بكره هنروح للدكتوره بتاعتك تطمنا عليكي
لتهز زهره رأسها بموافقه وهي تدفن رأسها بداخل احضانه
والصراع يشتد في داخلها بين ان تخبره الحقيقه او تختار الهروب بأطفالها بعيدا عنه
لتتنهد بحيره وسيف يضمها اكثر اليه بتملك لتغرق في نوم متعب مملوء بكوابيس مفزعه
في الصباح
استيقظت زهره من النوم لتجد سيف قد غادر للعمل بدون ان يوقظها
لتتوجه بتعب الى الحمام الملحق بالغرفه وتبدء الاستعداد
وهي تشعر بالتردد ولا تريد تنفيذ خطة هروبها
الا انها قامت بحزم القليل من ثيابها وبعض الصور الخاصه بسيف لتضعها وهي تقبلها بحنان بداخل حقيبتها مع قميص خاص بسيف وعطره الخاص
وتتوجه لغرفة مالك لتجده مازال نائما
جلست زهره بجانبه
وهي تتأمل وجه طفلها بحب وحنان وتتخيل انه من الممكن ان يطردها سيف خارج حياته و حياة طفلها لتحتضنه بخوف
وهي تحسم امرها بالهروب بطفلها قبل ان يبعدها سيف عنه
وقفت زهره وهي تنادي على مربية مالك بتصميم وتبدء في أخذ بعض من ملابس مالك في حقيبه صغيره
= لو سمحتي جهزي مالك علشان هيخرج معايا
ارتفع رنين هاتفها فجأه لتجد صوت شقيقتها يقول بلهفه
= زهره صاحبتي هتستناكي بعد نص ساعه في عربيه صغيره قدام البوابه الي بيدخل منها الخدامين متتأخريش
زهره بحزن
انا بجهز وكمان نص ساعه هكون عندها
سالي وهي تدعي الحزن
= إجمدي كده يا زهره انتي بتعملي كده علشان ولادك وان شاء الله ربنا هيعوضك خير ..
لتتابع بخبث
= زهره متزعليش مني انا مش هقدر اكون معاكي علشان انا بصراحه خايفه من جوزك لو عرف ان ليا يد في هروبك هيبهدلني ومش بعيد يطردني بره
زهره بتعب
= انا مش زعلانه منك ولا حاجه انا عارفه سيف صعب أد إيه ومن حقك تخافي منه
سالي بلهفه
= طيب انا هقفل معاكي دلوقتي وهروح الجامعه وهاخد البودي جارد معايا عشان يشهد قدام سيف اني كنت في الجامعه ومليش دعوه بهروبك .. سلام يا حبيبتي
لتغلق الهاتف بسرعه قبل ان تستمع لرد شقيقتها
قبلت زهره مالك الذي استيقظ وبدء في القفز بسعاده فوق الفراش وهي تقول بحنان
= الناني هتلبسك عشان هنخرج سوى
حضنها مالك وهو يصرخ بمرح وسعاده
= احنا هنخرج يا ماما…وبابا هيخرج معانا
زهره وهي تقبله بحنان وتمسح دموعها التي تساقطت بالرغم عنها
= لا يا حبيبي بابا عنده شغل هيخلصه وهيبقى يحصلنا ..بس انت البس بسرعه عشان نلحق نتفسح ونرجع
قبل ما بابا يرجع
توجهت المربيه للهاتف الداخلي الذي تصاعد رنينه تجيب عليه
وهي تنظر لزهره و تقول بهدوء
= مدام ألفت عاوزه حضرتك ضروري تحت
عقدت زهره حاجبيها بدهشه
= طيب قوليلها انا نازله حالا
لتعود وتقبل وجنة صغيرها بحنان
= ثواني ورجعالك يا حبيبي
توجهت زهره للاسفل
لتجد ألفت تقف في ردهة القصر
وهي تبتسم وتشير