سيف بسخريه وهو يشير لمدبرة منزله بالانصراف
= روحي انتي يا مدام الفت اعملي الي قلتلك عليه بس جهزي العشا لسالي هانم الاول ووديها على اوضتها
ليشير لزهره بتكبر
close
= اتفضلي روحي معاها اطمني عليها ذي ما انتي عاوزه بس تعملي حسابك شغلك هنا هيبتدي من بكره بدري
لتقودهم الفت مدبرة المنزل لغرفه في الدور الارضي من الفيلا واسعه مفروشه باناقه وعصريه بمفروشات رائعه من اللون الوردي و تطل على منظر رائع للحديقه الخلفيه للفيلا
الفت باحترام
=دي اوضتك يا سالي هانم والسرير عليه بيجاما للنوم جديده والعشى انا هجيبه لحضرتك حالا
لتتركهم وتذهب وسالي تنظر للغرفه بذهول
= زهره اقرصيني انا بحلم والا ايه شايفه الاوضه وجمالها معقول انا هعيش هنا واترحم من الحاره والبيت المكسر
والفقر الي كان محاوطنا من كل ناحيه
لتنتبه لهدوء زهره التي وقفت بصمت تتأمل فرحة شقيقتها