= قصدي مفهوم…افرضي سيف مصدقش كلامك
واكيد هيروح يواجه امين وامين اكيد مأمن نفسه كويس وهيجيب شهود يكذبوكي ويكذبو كلامك .
زهره بخوف
= بس سيف عارف امين كويس و
عارف أد ايه هو انسان وحش ومعندوش ضمير
سالي بتهكم
= ذي برضه ما سيف عارف انك انسانه وحشه ومعندكيش ضمير وبتحبي الفلوس اكتر من نفسك
زهره بخوف
= تقصدي ايه يا سالي اتكلمي علطول
سالي بقسوه
= اقصد ان سيف ممكن جدا ميصدقش كلامك
وتبقي نبهتيه انك عرفتي الي ناويه ليكي وساعتها ياخد حزره ومتعرفيش تتصرفي وكده تبقي خسرتي ولادك للابد
زهره بتردد ودموعها تتساقط
= يعني قصدك..
سالي بخبث
= ايوه طبعا خدي ابنك واهربي قبل ماسيف يخده منك للابد
وبعد ما تولدي ابقى قابليه واحكيله صدق كلامك يبقى كويس مصدقش كلامك يبقى تبعدي وولادك في حضنك وبكده يبقى مخسرتيش حاجه
شعرت زهره بالدوار لتعود وتجلس مره اخرى وهي تعود للبكاء من جديد
= بس انا مقدرش ابعد عنه ..انا بحبه
اوي يا سالي ..بحبه اكتر من نفسي
لتشهق بعذاب
= يارب اموت وارتاح من العذاب الي انا فيه ده
احتضنتها سالي وهي تعود لبخ سمها في إذنها
= اهدي كده وخليكي جامده وخلينا نفكر هنعمل ايه
زهره بضعف
= انا تعبت ..دا انا حتى لو فكرت ابعد مش هقدر أصرف على نفسي او على مالك ومش هقدر اشتغل وانا بالشكل ده..
دا غير ان مفيش مكان اقدر ألجأ له او اعيش فيه
سالي بمكر
= مين قال كده سيبي المكان عليا
انا هقدر اوفره ليكي وان كان على مصاريفك لحد ما تولدي فالفلوس موجوده
زهره بدهشه
= موجوده !! مش فاهمه انتي تقصدي ايه
سالي بخبث
= شوفي يا ستي انا عندي واحده صحبتي عندهم شقه صغيره في اسكندريه
مقفوله طول السنه بيروحوها في الصيف لمدة اسبوع يصيفو ويرجعو ..انا هتفق معاها تقعدي فيها لحد ما تولدي وتدبري لنفسك سكن تاني
لتتابع بخبث
= وان كان على مصاريفك انتي ومالك
فانتي ممكن تبيعي حاجه م الحاجات الي سيف مغرئك بيها.. عقد ..خاتم ..اسوره وبفلوسهم تقدري تدبري امورك
شهقت زهره برفض
= انتي عاوزاني اخد حاجه من الي هو جبهالي وابيعها ..دا انا كده ابقى بسرقه..انا مستحيل اعمل كده او أخد حاجه مش بتاعتي
سالي باستهزاء
= انتي عبيطه وهتفضلي طول عمرك عبيطه .. دي هدايا هو جبهالك ..يعني بتاعتك وملكك ..وبعدين انتي هتصرفيهم على ولاده مش على حد غريب
زهره برفض
= لاء انا مستحيل اعمل كده و
المجوهرات دي انا هسيبها مش عوزاها
سالي بنفاذ صبر
= انتي حره..المهم انا هكلم صحبتي اتفق معاها وانتي تكوني مستعده بكره اول ماسيف يروح الشغل
زهره بحزن وتردد
= كده علطول..
سالي وهي تضغط على نقطة ضعفها
= وهتستني ايه ..هتستني لما ياخد ولادك منك