رعد وليل بقوا بيخففوا عليا وبيبقوا جنبي على طول علشان ما فكرش بيكي ميعرفوش انو مفيش لحظة ومجتيش بيها على بالي
ماسة حسي بيا حسي قد ايه انا موجوع تصدقي انا غلطان ليكي حق تعاقبيني مهو مشفتيش مني غير الكسرة لقلبك وحشتيني اوي واللهي وحشتيني
سامحيني يا ماسة وارجعيلي ارجوكي
قطع حديثه مع نفسه طرقات الباب ليدلف رعد وليل لداخل فيجدوه على حاله
اقتربوا منه بحزن وجلسوا امامه
رعد بحزن : علشان خاطري كفاية الي بتعملوا بنفسك كنان انت اتغيرت اوي بقيت واحد منعرفوش بقيت بخاف اسيبك لوحدك خوف من انك تعمل بنفسك حاجة
كنان ببحة وجع : وحشتني اعمل ايه عشان الاقيها قلبت الدنيا عليها اختفت فجأة المشكلة مفيش ليها مكان تروح ليه خايف يكون حصلها حاجة ومحدش داري عنها مبقاش النوم يقرب مني الا مدة ساعة او اتنين وبتكون ملانة كوابيس
ليل بحزن : هترجع يا كنان اكيد مش هيكون حصل ليها حاجة عايزينك ترجع زي ما كنت تروح الشركة وتحضر
اجتماعات متبقاش لوحدك كدة ويومك كلو هنا يا بالشقة الي كنتوا بيها انت بتعذب نفسك بزيادة يا كنان ارحم نفسك شوية
كنان ببكاء : طب ليه متحن هيا ليا وترجعلي انا اعترف اذيتها بس عاقبتني شهرين بفراقها ما اكتفتش انتقام مني للدرجادي بقت قاسية يا ليل لدرجادي
استقام ليل وذهب اليه وجعله يقف على اقدامه واحتضنه بقوة : ارجوك يا صاحبي ارحم نفسك شوية انت كدة مش بس بتعذب نفسك انت بتعذب عشق اختك الي بستقوي بيك بتعذبني بتعذب رعد بتعذب ناس كتير بضعفك ده خلاص يا كنان ارجع لحياتك احذفها من حياتك علشان تقدر تعيش انت كدة بتموت نفسك بالبطيء
اومئ كنان له ثم ابتعد عنه وبدأ بالسير بعيد عنه ليقف رعد امامه : رايح فين
كنان بكذب : مش رايح لمكان
رعد : كنان رايح فين
كنان بدموع : هروح الشقة
اغمض رعد عيناه بقوة : تاني يا كنان تاني
كنان بتعب : مقدرش يا رعد الشقة وصورها هما الي مخليني اصبر شوية لو بعدت عنهم بتجنن ارجوكم سبوني
اروح المرادي
رعد بصراخ : يا كنان ليه كدة ليه الشقة انساها وصورها الي حاططها بكل مكان في الشقة انساهم علشان الي بيحبوك وعلشان نفسك
نظر كنان له بجمود : يا ريت اقدر يا صاحبي انا رايح ومحدش ييجي ورايا علشان عارف انكم بتراقبوني
نظر ليل لرعد واشار له بأن يتركه ليبتعد رعد من امامه بحزن ليذهب كنان من امامهم متوجهاً للشقة الخاصة به
ليل : انا هروح وراه
رعد : هآجي معاك
اومئ ليل له ليذهب كلاهم للسيارة
ويتوجهوا خلف كنان
…….***…….
في الجناح الخاص بلجين وليل
كانت لجين تجلس على سريرها تبكي وبجوارها حور تهدئ بها
حور : ارجوكي يا لجين خلاص متفضليش تعيطي
لجين ببكاء : مش قادرة كل ما افتكر انها استحملت كل ده لوحدها بموت قلبي واجعني عليها وحشتني عايزة اعرف
هيا فين عايشة كويس بتاكل ولا لاء قدرت تهتم بالجرح ولا أذاها انا انانية اوي محستش ولا لحظة انها موجوعة ومأذية بحياتها مع الحيوان كنان
حور بحزن عليها : لجين خلاص انتي ملكيش ذنب بحاجة وكنان ندم على الي عملوا معاها انتي مش شايفة حالتو بقت ازاي بقى شخص تاني خالص مش كنان الي نعرفه كل حياتوا غم وحزن وتعب وانتي كفاية الي بتعملي بنفسك كل يوم تقعدي تعيطي وتعذبي بنفسك حتى الاكل مبتكليش كويس
لجين بسرحان : تصدقي انهم مكنوش ناوين يعرفوني بحاجة لولا قلبي الي خلاني احس انو حاصل معاها حاجة واروح للشقة بتاعتهم
“فلاش باااااااك
في المساء بعد عدة ايام من اختفاء ماسة عاد ليل بعد منتصف الليل وجد لجين ما زالت تنتظره
ليل : لجين انتي منمتيش