في المشفى كان كنان يدور امام الغرفة بتوتر
ليل : يا كنان اقعد وترتني معاك
كنان بقلق : بقالهم ساعتين جوا ولسا مخرجوش اكيد في حاجة
رعد : كنان متفضلش تفكر في الحاجة الي مش كويسة اهدى اكيد مفيش حاجة
صمت كنان ولم يجيب وما زال على نفس حاله ليفتح باب الغرفة ويخرج الطبيب وعلامات التعب تشوب ملامحه ليركض كنان اليه بقلق وخلفه رعد وليل
كنان : قولي هيا مفهاش حاجة مش كدة ماستي كويسة انطق بسرعة مفش حاجة صح
الطبيب بتنهيدة : قدرنا نخرج الرصاصة بصعوبة والمريضة نزفت دم كتير فنقلنالها دم هيا هتفضل هنا فترة تقريباً مدة يومين متتحركش من السرير علشان مينفعش تحرك ضهرها كتير اوي لو تحركت ممكن لسمح الله يصبها شلل مؤقت وهنا احنا هنغيرلها الجرح والمريضة حالياً نايمة عشان مفعول البنج
تنهد كنان تنهيدة عميقة دليل على راحته ليردف ولأول مرة من قلبه : متشكر يا دكتور متشكر اوي
نظر الطبيب له بصدمة سرعان ما اخفاها : لا يا فندم وعلى ايه ده واجبي
ابتسم كنان له والتفت لرعد وليل واحتضنهم بقوة ليبادلاه الحضن بإبتسامة
كنان براحة : هيا بقت كويسة ماستي مش هتسيبني
رعد وليل : الف حمدلله على سلامتها يا صاحبي
دلف فهد للداخل بعد ان اوصل حور للبيت ليجدهم على هذا الحال ليردف بإستغراب : في ايه
كنان بإبتسامة : ماستي بقت كويسة
فهد بإبتسامة جميلة : الحمدلله على سلامتها يا كنان
كنان بفرحة : الله يسلمك يا فهد
بعد فترة تم نقل ماسة لغرفة عادية وما زالت نائمة لم تفق وكنان يجلس بجوارها يراقب ملامحها بحب
كنان : ربنا عطاني فرصة تانية علشان اقدر فيها اكسبك وانا هعمل كل الي بقدرتي عشان ارضيكي واخليكي مبسوطة على طول بإذن ربنا
فتحت ماسة عيناها بتعب لتردف بتقطع : م.ام.ا
كنان بلهفة : ماستي انتي فقتي
اغمضت ماسة عيناها بقوة عند سماعها لصوته لتفتحهم بعد ثواني
امسك كنان يدها وقبلها بقوة : الف حمدلله على سلامتك يا ماستي
ماسة بجمود : الله يسلمك
كنان : انتي كويسة ولا في حاجة وجعاكي عاوزة حاجة يا حبيبتي اتكلمي
ماسة ببرود : انا كويسة ومش عايزة حاجة
كنان : طب بصي يا حبيبتي الدكتور قال انتي مينفعش تحركي ضهرك يعني تبقي كدة مستريحة وهتفضلي هنا لمدة يومين
اومأت ماسة له بجمود
كنان : هروح اجبلك حاجة تاكليها يا حبيبتي
ماسة بهدوء : كنان
كنان بلهفة : عيونوا
ماسة : مش عايزة لجين تعرف اني هنا
كنان : حاضر يا حبيبتي
التفت كنان وذهب خارج الغرفة ليجلب لها طعام وعاد بعد فترة وخلفه ممرضة تجر عربة بها طعام نظرت الممرضة لماسة لتردف بإستغراب : ماسة هوا انتي الي كنتي متصابة
رفعت ماسة عيناها لتتعرف عليها فوجدتها تلك الممرضة التي كانت بجوارها عندما اتت الى المشفى الفترة الماضية
لتردف بسخرية : ايوة انا
الممرضة بحزن : الف سلامة عليكي يا ماسة
ماسة : الله يسلمك يا مقلتليش على فكرة اسمك كان ايه
الممرضة بإبتسامة : اية
ابتسمت ماسة لها : اتشرفت بيكي يا اية
بادلتها اية الابتسامة : وانا كمان يا ماسة