خرج من مكتبه رفع عينيه بغرور وثقة وابتسم من نظراتهم الي هتموت منه وعليه وفيه لبس نظارته السوداء وخرج من الشركة متوجهاً اليها وجد السائق يقف بإحترام وقد قام بفتح باب السيارة له
كنان : لا روح انت انا هروح لوحدي
السائق وهو يمد له المفاتيح : حاضر يا فندم تؤمرني بحاجة
كنان : لا اتكل على الله . ركب كنان السيارة وتوجه الي المكان الذي تتواجد فيه وصل لعندها كانت هي تمشي بسرحان وتفكر بحياتها وبما قد يحصل بالمستقبل اقترب كنان بالسيارة منها بسرعة كبيرة كادت هي ان تقطع الطريق ولكن تجمد جسمها كله من السيارة الي جاية بسرعة كبيرة عليها غمضت عينيها مستسلمة للموت
لاحظ كنان اقترابه الشديد منها وفي آخر لحظة داس فرامل ووتوقفت السيارة مصدرة صوت قوي نتيجة للسرعة
الي كان فيها بس اتعمد انها تخبط فيها على خفيف من دون ميحصلهاا حاجة نزل من السيارة وراحلها كانت هيا واقعة على الارض مغمى عليها فضل يخبط على وجهها بخفة عشان تصحى وبالفعل صحيت وانصدمت منه كان حاطط راسها على رجله وتقريباً حاضنها
كنان بأسف وبصوت حزين : انا اسف مكنش قصدي الي حصل كنت مسرع وسرحان مش شايف قدامي انتي
جرالك حاجة
ماسة : لا انا كويسة بعدين انت مش غلطان انا الي قطعت بوقت غلط
كنان بعد ما خلع نظارته وبانت عيونه الرمادية تاهت ماسة بجمال عيونه وهوا اصلاً كان تايه بعينيها من اول ما شافها
ماسة بخجل : احم احم ممكن تبعد
كنان : اه اكيد . وقام ومسك ايدها عشان يساعدها تقوم مسكت ايده وقامت : ااه
كنان وهو يمسك بها جيداً : انتي كويسة
ماسة : اه بس اتوجعت عشان ضغطت على رجلي مش عارفة مالها
كنان : انا هاخدك على المستشفى
ماسة باعتراض : لا خلاص مفيش حاجة هيا وجعتني بس عشان دست عليها انا هروح بيتي وارتاح وشوية وهتروق
كنان باصرار : لا مينفعش لازم اخدك معايا المستشفى اطمن واريح ضميري
ماسة باستسلام : اوكي
مسكها كنان وسندها عشان توصل معاه للسيارة
ماسة بخوف : لاء انا مش هطلع معاك لوحدي
كنان بإبتسامة جميلة : ياسيدي اعتبريني سواق عادي وركبتي معاه
ماسة بتردد : ماشي بس انا هركب ورى
كنان : الي يريحك
ركبت وطلعى على المستشفى بتاعتو .
كنان وهو ينظر اليها من المرآه: انت اسمك ايه
ماسة بخجل شديد : ماسة اسمي ماسة
كنان بإبتسامة : ماشاءالله اسم على مسمى
ماسة وهي تقاوم خجلها : متشكرة جداً
كنان : عالعموم انا اسمي كنان