رعد وهو يقترب منها بشدة : مش قبل ما اعمل دي واقترب منها وفي لحظة ارتباك منها قبلها من وجنتها وذهب مسرعاً من الغرفة
عشق بصدمة وهي تضع يدها على وجنتها : ايه الي عملوا ده انا هوريك يا رعد عشان ترجع تعمل كده تاني ومن ثم ذهبت ل غرفة الملابس لتختار لها شيئاً ترتديه ليذهبوا للخطبة
…….***…….
في الشركة انتهى كنان وليل من الاجتماع وعاد لمكتبه وخلفه ليل
ليل : شوفت الحيوان رعد لبسني بالاجتماع وخرج مع انو كان لازم يبقى هوا فيه
كنان بضحك : راح فين
ليل : معرفش بس اظن راح يتجهز مع انو احنا العرسان رايح يتجهز قبلنا تقول رايح يخطب لنفسه
كنان وهو ينظر للساعة : يلا انا كمان هروح اتجهز
ليل بسخرية : كمان انت بتجري جراي علشان تلحق
كنان بإبتسامة : ايوة عايز اضمن كل حاجة عايز انتقم بأقرب وقت
نظر ليل له بعمق : اممم تمام روح شوف انت هتعمل ايه وانا كمان هروح اتجهز
اومئ كنان له وخرج الاثنان كلاً متجه لوجهته
…….***…….
في قصر الاسيوطي تحديداً غرفة ماسة
ماسة بإرتباك : انا متوترة جامد
لجين مع نفسها : ياربي انا ضحيت بنفسي عشان سعادة اختي الي مقصرتش معايا بحاجة فيارب يكون الشخص كويس وميأذنيش
( ملاحظة : احمد ما كملش كلامه لما كان بيحكيلهم عن المتقدمين جاب اسم كنان ومجابش اسم ليل وماسة
برضو محكتش اسمه قدامها ف لجين متعرفش انو الي متقدم ليل )
ماسة بإستغراب : لجين .. لجين .. انتي معايا
لجين بعد ان انتبهت لماسة : ايوة معاكي يا حبيبتي
ماسة وهي تمسك بيدها : لجين فيكي ايه انتي بجد مش موافقة على الخطوبة انا مستغربة اصلاً انتي ازاي
وافقتي ازاي مش خايفة
لجين بتوتر : انا موافقة عايزة اعيش حياتي اتأقلم مع العالم الخارجي انتي مش هتبقيلي العمر كله لازم تشوفي حياتك بس الي مدايقني كان نفسي تبقى ماما عايشة وتكون معانا في اليوم ده
ماسة بحزن : في دي معاكي حق وانا كمان كان نفسي تبقى معانا في يوم زي ده ثم قالت بتأكيد : بس المهم انو
احنا سوا ومفيش حاجة هتفرق بينا
لجين بإبتسامة : اكيد يا حبيبتي
ماسة : طالعة جميلة جداً يا لجين والفستان لابق عليكي
لجين بإبتسامة : واللهي وانتي جميلة جداً يا حبيبتي هتجيبي اجل الراجل من جمالك
دخل احمد مسرعاً : بسرعة الجماعة وصلوا خمس دقايق وانزلوا ورايا .
اومأت ماسة له موافقة اياه بإرتباك
في الاسفل تقدم احمد من محمود الرفاعي وهو يمد يده له بإبتسامة : اهلاً بيك يا صاحبي
محمود بإستهزاء : صاحبي هه الصحبة الي بينا انتهت من اليوم الي حضرتك بعتنا انا ومهاب لما الشركة كانت هتفلس وحضرتك هربت