كنان بإبتسامة : انا بالخدمة يا فادي
انسحبت عناصر الشرطة من القصر لتحتضن ماسة كنان وهي ترتجف بقوة : انا مش مصدقة اني كنت هموت من شوية
كنان وهو يحاول تهدئتها : اششش متجبيش سيرة الموت على لسانك طول ما انا موجود انتي مش هيحصلك حاجة
عشق بمشاكسة : الله اكشن ويوم فرحي ده يتسجل بالتاريخ
كنان بضحك : ماشي يا ام التاريخ يلا بقى عشان متتأخروش هوصلكم انا
امسك بيد ماسة ليسير للخارج وخلفه عشق
بينما بقيت الدادة تراقبهم بأنظارها وهي تدعي لهم بالسعادة
بعد مرور وقت توقفت سيارة كنان وسيارتان الحراسة الخاصة به امام قصر الرفاعي ليترجل الجميع من السيارة ويتقدم الحراس لحمل الاغراض الخاصة بهم
كنان وهو يقبل ماسة من وجنتها : انا هكون مع رعد والشباب لو احتجتي اي حاجة اتصلي بيا على طول
اومأت ماسة بإبتسامة رقيقة وسارت بجوار عشق التي دلفت لداخل بينما توجه كنان الى مكان تواجد النيازك
في الداخل اشارت ماسة للفتيات ليتجهوا نحوها بإستغراب : في ايه يا ماسة
ماسة بتوتر : انا عايزة اقلكم حاجة
لجين بقلق : في ايه يا حبيبتي
ماسة بتاتأة : انا انا
عشق وحور بصوت واحد : انتي ايه قلقتنا
ماسة بإبتسامة فرحة : انا حامل
صرخة فرحة خرجت من الفتيات
ماسة بتوتر وهي تحاول تهدئتهم : اشش اشش ايه ده
لجين بسعادة : يعني انا دلوقتي هبقى خالة
ماسة وهي تضرب لجين بخفة : اششش يا مجانين انا مش متأكدة جامد فحصت بالبيت بس عايزة اتأكد عند الدكتورة ومش عارفة اخرج ازاي كنان حاطط حراس كتير قدام القصر
لجين بمشاكسة : مفيش مشكلة انا عندي الحل
ماسة بحماس : ايه قولي
لجين : الجناح بتاعي في باب سري عامله ليل عشان لو حصل اي حاجة لسمح الله وده يطلع على برا ومفيش حراس بتكون موجودة هناك هنوقف السواق ونطلع على طول من غير محد ياخد باله
حور بحماس : ايوة ايوة واحنا هنفضل هنا ومش هنخلي حد ياخد باله انكم مش موجودين بس هتروحوا وترجعوا بسرعة
ماسة بتوتر : بس انا خايفة كنان يطلب انو يشوفني هتحكوله ايه
عشق بمشاكسة : بسيطة اوي هنقول ماسة النهاردة عروسة زيي تماماً ومش هتشوفها غير لما نخلص كل حاجة
سمية بضحك : صدق الي قال كيد النساء عظيم انا ست وبقول كده
الفتيات بخضة : طنط
سمية بضحك وهي تضع ابهامها على فمها : متقلقوش ده سر . لتقترب من ماسة بإبتسامة حنونة : الف مبروك يا حبيبتي
ماسة بخجل : الله يبارك فيكي يا طنط بس انا لسا عايزة اتأكد
سمية بحماس طفولي : انا عندي احساس انك حامل واحساسي دايماً بيبقى صادق يلا بقى عشان متتأخروش
اومأت الفتيات لتتجه ماسة ولجين نحو جناح لجين ومن ثم الى الباب ليجدوا السائق ينتظرهم كما اتفقوا ليتجهوا نحو المستشفى دون ان يلاحظهم احد من الحراس
…….***…….
في الغرفة التي تجمع الشباب كان كل منهم يتجهز لهذا اليوم حتى دلف فهد الى الداخل وملامح التوتر تحتل وجهه
محمود بإستغراب : في ايه يا ابني
فهد بتوتر : عايزكم بحاجة مهمة
ليل بتساءل : عايزنا ليه حصل حاجة
فهد وهو يحك جبينه ببلاهة : احمم هيا محصلتش لسا بس هتحصل لو انتو قولتوا موافقين
رعد بضحك : يا ابني اتكلم
فهد بسرعة ودون تفكير : انا بحبها وعايز اتجوزك يا ليل طبعاً بعد موافقتك وموافقة انكل محمود
انفجر الجميع بالضحك على ما قاله ليردف رعد وهو يضع يده على بطنه من الضحك : الف مبروك يا ليل عريسك جميل اوي واي حد يتمناه ليه
ليل وهو يجاهد على كتم ضحكته : انت قولت ايه
فهد ببلاهة : انا قولت ايه
كنان وهو يكتم ضحكته : مفيش قولت عايز تتجوز ليل واحنا وافقنا خلاص البس بقى
فهد بصدمة : انا قولت كده
محمود بضحك : ايوة قولت كده
فهد وهو يلعب بشعره بطريقة مضحكة : انا انا اقصد حور مش انت يا ابني
ليل بجدية : اثبت بقى وقول الي عندك
فهد : احم ليل انا بحب حور من زمان اوي بس كنت فاكر نفسي بتوهم ومقبلتش اني اعمل اي خطوة من غير متأكد اني بجد بحبها وجيت اطلبها منك ومن انكل محمود الي بمثابة اب ليكم انا جيت لوحدي وانتو عارفين انو مليش حد لا اب ولا ام ولا حتى اخ علشان ييجوا يطلبوها زي ما كل الناس بتعمل