في جناح عشق دلفت ماسة للداخل وخلفها اثنتان من الخدم لتجد عشق قد ارتدت ملابسها وتنتظر قدومها
عشق : ايه جهزتي حجاتك
ماسة : ايوة جهزت كل حاجة ونقلتها العربية ودول هينقلوا حجاتك
اومأت عشق فأقتربت الخادمتان لتحملا الاغراض لتردف عشق بخوف : بالراحة
ماسة بضحك : متقلقيش هيفضلوا زي ما هما
عشق بتوتر : طب يلا بينا عشان منتأخرش
ماسة : اسبقيني انتي على العربية وانا ثواني وهلحقك هغير هدومي بس
عشق وهي تسير خلف الخدم : ماشي بس متتأخريش
اختفت عشق عن مرأى ماسة فخرجت من الجناح متجهة لجناحها هي وكنان
دلفت للداخل لتجد الدادة تحمل معدات التنظيف وتخرج من غرفة الملابس بعد ان انتهت من التنظيف
ماسة : ايه يا دادة حاملة كل دول لوحدك ليه
الدادة بإبتسامة حنونة : عادي يا حبيبتي دول خفيفين اوي انا نضفت الغرفة وبقت بتلمع وريحة البرفان راحت بس موجودة خفيف متأثرش هتروح كمان شوية والفستان هنضفهولك عشان الريحة الجامدة الموجودة عليه
ماسة بأمتنان وهي تقترب لمساعدتها : متشكرة اوي يا دادة اعطيني دول هنزلهم معاكي انتي اكيد تعبتي
الدادة برفض : لا يحبيبتي انتي روحي جهزي نفسك وانا هنزلهم او هنده لحد من الخدم يساعدني
استندت ماسة على الباب وهي تضع يدها على رأسها بتعب بعد ان شعرت بالدوران
الدادة وهي تضع معدات التنظيف ارضاً وتقترب من ماسة : فيكي ايه يا بنتي انتي كويسة
ماسة بملامح متعبة : ايوة ايوة كويسة دوخة خفيفة وهتروح دلوقتي اكيد بس بعد ما شميت ريحة البرفان القوية من شوية
الدادة بشك : انتي استفرغتي او حاجة زي كدة
ماسة بتساءل : ايوة من شوية بعد ما شميت البرفان
الدادة بسعادة وهي تحمل اغراض التنظيف : خليكي هنا انا جاية حالاً
ماسة بإستغراب بعد ان ذهبت الدادة من امامها : في ايه
جلست ماسة على السرير تنتظر قدوم الدادة هدى حتى عادت بعد فترة قصيرة وبيدها شيء مدته لماسة
نظرت ماسة له بصدمة ثم للدادة لتردف : ده
الدادة هدى بحماس : ايوة ايوة هوا روحي بسرعة انا مستنياكي هنا
اومأت ماسة لها والتوتر قد حل على ملامحها وتوجهت ذاهبة الى الحمام
دقائق قليلة مرت حتى خرجت ماسة وملامحها غير مفهمومة
الدادة بحماس : ها قولي
ارتسمت ابتسامة على وجهها وهي تضع يدها على بطنها بعدم تصديق لتحتضنها الدادة بفرحة غامرة
…….***…….
في الاسفل كانت جاكلين تجلس هي وفتاة جلبتها لتساعدها في مخططها
جاكلين بحقد وهي تمد لها علبة مملوءة بمادة سائلة تفقد الشخص توازنه : فهمتي قولت ايه انتي هتعملي نفسك الميكب ارتست بتاعتي وعايزة تروحي الغرفة الي جهزوها ليا عشان تجيبي حاجة نقصاكي علشان تكملي الميكب بس طبعاً هتكوني رايحة تراقبي ماسة وتعرفي هتنزل امتى واول متحسيها هتنزل تحطي ده ع السلم وتسبيها تقع وتموت وتريحنا بقى
الفتاة بفهم : خلاص فهمت فهمت هتفضلي تعيدي هيخلص الوقت انا هروح دلوقتي اعمل شغلي قبل متنزل الهانم
اومأت جاكلين لها وهي تضع قدماً فوق الأخرى بخبث واضح وملامح الانتصار على وجهها ولكن لم تنتبه اي منهم لتلك الواقفة خلفهم والتي استمعت لكل حديثهم لتذهب بسرعة متجهة لمكان ما
استقامت القتاة وصعدت للأعلى لتجد ماسة وامراءة يتحدثان وعندما رأتهم يوشكون على السير ذهبت مهرولة وسكبت المادة على السلم كي تودي بماسة الى الهلاك واختبئت خلف الحائط