بادلته لجين الحضن وتساقطت دموعها بصمت
ليل : لجين
لجين بتعب : ايوة
ليل : تعالي يلا علشان تاكليك حاجة
لجين برفض : مش عايزة
ولكن كان ليل يسحبها للأسفل دون الإستماع لكلامها ولضعفها الشديد بسبب عدم تناولها الطعام منذ فترة لم تستطع مقاومته وصل لغرفة الطعام ودلف للداخل ليجد الجميع في انتظارهم جلس على مقعده وأجلس لجين بجواره
كانت لجين تجلس وتنظر لكنان بحقد بينما كنان بنظر لها بحزن
محمود بصوت صارم : يلا يا جماعة سموا بالله
سمى الجميع وبدأو بتناول الطعام عدا لجين وكنان الذي ينظر للطعام بسرحان
قاطعتهم لجين بسخرية : ايوة اتفضلوا يا جماعة كلوا ليه يا استاذ كنان مش بتاكل ولا زعلان عليها مش انت الي قتلتها بلي عملتوا بيها مش انت الي كنت السبب في كل الي احنا فيه ده مش انت الي خدتها مني علشان قلبك
الأسود
اغمض ليل عيناه واخذ نفس عميق وامسك يدها بقوة : لجين خلاص
لجين وهي تضحك بصوت مرتفع كالمجانين : هههههههههه خلاص كلمة سهلة اوي مهو مفيش حد حاسس بيا كلكم حواليكم احبابكم بينما انا اختي الي هيا كل دنيتي مش قادرة اوصلها ولا حتى قادرة اعرف هيا عايشة ولا ميتة انتو عندكم احساس رغم انكم عارفين انو هوا السبب في كل الي حصل بتجيبو البيت عادي جداً وكأنو محصلش
حاجة محدش حاسس بيا
ليل بغضب : لجين قولت خلااااص
استقامت لجين بجنون ليسقط المقعد الذي كانت تجلس عليه وامسكت السكين الموجود امامها وعادت للخلف وهي تضعه على عنقها
استقام الجميع بفزع من ما فعلت
ليل بخوف : لجين حبيبتي انتي بتعملي ايه
لجين بتهديد : متقربش خليك مكانك واقف مع صاحبك مش كدة ما انت كمان زيو قلبك اسود انا مش عايزة حد منكم انا عايزة ماسة هروحلها دلوقتي ومحدش هيقدر يمنعني
ليل بلمعة وصوت مبحوح من الخوف : لجين
هزت لجين رأسها برفض وهي تغمض عيناها بقوة وتبدأ بغرس السكين
كنان بسرعة : لجين ماسة عايشة وانا اعرفت مكانها النهاردة
توقفت لجين عن ما تفعله بعد ان سببت جرح عميق بعض الشيء في عنقها لم يلحظه احد بسبب الحجاب الذي تضعه ورفعت عيناها تنظر له بعدم تصديق : انت كداب عارف انت آخر واحد في الدنيا دي ممكن اصدقو
كنان بصدق : لجين واللهي العظيم انا مش بكدب عليكي انا بجد لقيتها واسألي رعد وليل لو مش مصدقاني
وجهت لجين نظرها لليل الذي اومئ برأسه بقوة تأكيداً لكلام كنان : واللهي العظيم يا لجين هوا راحلها النهاردة بس هيا موافقتش ترجع معاه
لمحت لجين الصدق بعينان حبيبها الذي ولطالما شعرت معه بالأمان بعد ذهاب ماسة
لترخي يدها وتسقط السكين ارضاً مصدرة صوت مع شهقات لجين التي بدأت بالخروج
وكرد فعل من ليل امسك يدها بقوة واعتصرها بين احضانه : انتي اتجننتي كنتي عايزة تقتلي نفسك طب وانا مفكرتيش بيا مفكرتيش بعقاب ربنا ليكي بعد ما تعملي كده ما فكرتيش انك كنتي هتموتي كافرة ازاي بس يا لجين ازاي تعملي كدة
لجين ببكاء قوي : انا اتجنيت بجد معرفش ازاي كنت هعمل كدة سامحني يارب انا اسفة واللهي اسفة يا ليلي بس
انا عاوزة ماسة هيا كل حاجة في حياتي هوا حرمني منها ااااه دي كل حاجة بالنسبالي هيا الوحيدة الباقية ليا من عيلتي خلوني اشوفها اهئ ارجوك يا ليل ارجوك
اغمض ليل عيناه بقوة فنبرتها هذه وبكائها تجعله يتألم بقوة : خلاص يا روح قلبي خلاص هخليكي تشوفيها اوعدك . ابتعد عنها قليلاً ليكمل
تعالي يا حبيبتي علشان ترتاحي شوية
تقدمت الفتاتان حور وعشق منها واحتضنوها وهم يبكون على حالها لتبادلهم لجين الحضن في بكاء
عشق بطفولة بعد ان ابتعدت عنها : مش تعيطي يا قلبي ومتحاوليش تعملي كدة تاني انا قلبي مبقيش مكانو وانشاءالله ماسة هترجع قريب
حور بشهقة وهي تمسح دموعها كالأطفال : ايوة هترجع متقلقيش . ثم اكملت بطفولة بعد ان ضربتها بخفة على كتفها . واللهي العظيم لو حاولتي انك تعمليها مرة تانية يا كلبة البحر انا مش هسامحك
ابتسمت لجين لهم بحب لتردف : انا اسفة على الكلام الي قولتوا ليكم مكنتش قصداه ومعرفش خرج ازاي مش تزعلوا مني
اومأت الفتاتان لها واردفوا بصوت واحد : مش بنزعل منك
لجين وهي توجه نظرها لمحمود وبسمة بحزن : انا اسفة يا انكل اسفة يا سمسم
محمود بإبتسامة : وينفع كدة في بت بتعذر من باباها