عودة مرة اخرى لذلك المكان المخيف وسط الصحراء كانوا يجلسون بجوار بعضهم يحتسون الخمر الذي حرمه الله ومنهم من يتناول المخدارات المذهبة للعقول بينما رئيسهم كان ينفث دخانه الغريب من نوعه
شخص : ايه ياسطا مش هنبدأ بالمهمة دي طولت اوي
الرئيس : هتبدأ
شخص آخر : امتى يا صاحبي
الرئيس بإبتسامة مكر : بكرة
الشخص ١ بمكر وهو يضرب يديه بحماس : احييه هنكيف
الرئيس : جهزوا نفسكم وجهزوا كل حاجة واعطوا خبر للرجالة
الشخص ٣ : متقلقش كل حاجة تمام وزي ما احنا مخططين ليها
الرئيس بحماس : تمام
واكملوا احاديثهم المختلفة والتي ليس لها اي معنى وبتأكيد حديثهم عن الخمر والمخدرات وايهم جيد اكثر
…….***…….
دخل جو الى البيت وهو يصرخ : يعالم يا هو انا جيت يالي هنا مفيش حد هيعبرني
خرجت اية من غرفتها وملامح الحزن ترتسم على وجهها
جو بقلق وهو يتجه ناحيتها : مالك يا قلبي في حاجة
اومأت اية بحزن وجلست تسرد له كل ما حدث
اية بحزن : انا صعبانين عليا الاتنين هوا صح كنان غلط وجامد بس اما شفته النهاردة انا متأكدة انو ندمان اوي وانو بحبها بجد وماسة برضو بتحبه بس عمال تكابر وتجرح نفسها
جو بإحباط : بس احنا منقدرش نغصبها على حاجة
اية بتفكير : لازم نلاقي طريقة نرجعهم لبعض
جو بتساءل : ازاي
اية بفرحة : لقيتها
وبدأت تسرد لجو المخطط الذي ستفعله حالاً لإرجاع قلوب تلهفت عطشاً لبعضها البعض
…….***…….
عاد كنان الى البيت وملامح الخيبة تكسو وجهه لتقابله الدادة هدى : ازيك يا ابني
كنان بإبتسامة حزينة : كويس يا دادة كويس
الدادة هدى بحزن : انشاءالله هترجع يا ابني هترجع متقلقش
كنان بأمل : يارب
ليكمل بإستغراب : هيا عشق فين
الدادة هدى : عشق عند محمود باشا هيا قالتلك انها هتنام عند حور ولجين وهوا اصر عليا اني اقولك تروح عندهم اول ما توصل القصر
كنان بتعب : ايوة ايوة قالتلي افتكرت المهم انا مش هقدر دلوقتي مرة تانية
الدادة هدى بحزن : علشان خاطري يا كنان لو فعلاً بتعزني زي ما بتقول روح دلوقتي وربنا هيفرجها بعد كدة
اومئ كنان لها بتنهيدة عميقة وعاد الى سيارته متوجهاً الى قصر الرفاعي
توقفت السيارة بعد فترة واسترجل منها متقدماً من القصر دلف للداخل فوجد الجميع يجلسون ويتبادلون الأحاديث عدا لجين
جلس على الأريكة بتعب فوجد عينان رعد وليل متوجهة له بتساءل ليهز رأسه دليل النفي بحزن شديد
مجمود : ازيك يا ابني
كنان : الحمدلله يا انكل
بسمة : بما انو كنان جي فأكيد هوا جعان وكلكم جعانين يلا يا جماعة على الغدا
كنان : لا مش جعان مليش نفس اكل حاجة
بسمة بحزن : بقالك كتير اوي مكلتش من الأكل بتاعي
كنان بشبه ابتسامة : خلاص هاكل بس علشان خاطرك
ابتسمت بسمة له وأشارت للجميع بالتوجه لغرفة الطعام
بسمة للخادمة : رنا اطلعي نادي لجين
الخادمة رنا : حاضر يا هانم
ليل : انا هطلع اناديها خليكي انتي
اومأت الخادمة له بإحترام وذهبت لإكمال عملها
صعد ليل للأعلى ودلف لجناحه فوجدها تجلس على الأرض في زاوية غرفة المعيشة
ذهب لها وجلس بجوارها بحزن : لجين
نظرت له بكسرة : في ايه
ليل : هتفضلي كدة لحد امتى
لجين بجمود : لحد ما ترجعولي اختي
اقترب ليل واحتضنها بقوة : لجين حالتك دي بتكسرني ارجوكي ارجعي زي ما كنتي وانا اوعدك قريب جداً هتبقى ماسة معانا