أدهم ضربات قلبه ذادت و عقد حاحبيه و قام وقف و قال : أنتي بتقولي ؟! ، مين قالك !! .
ميليسا قالت في ذهنها : اي الي أنا عملته دا !! ، (قالت بصوت مسموع ) يا أدهم متعلقش نفسك بيها كل حاجة هت………….. .
أدهم سابها و خرج من قبل ما تكمل كلامها ، ركب عربيته و قفل الباب بعصبية و رن علي سلمي .
في دار الأيتام .
سلمي بتنهد : مش عارفه اعمل اي يا رحمه و الله و ……….يالهوي أدهم بيرن .
سالي بقلق : طب ردي عليه بس براحة .
سلمي ردت بتردد و قالت : ألو .
أدهم بنرفزة : أنتي فين ؟؟؟ .
سلمي بصت ل سالي و رحمه و حطت إيديها علي بوقها بخوف و هي بتقول : ف..في دار الأيتام ، ليه هو في حاجة حصلت ؟! .
أدهم بإنفعال : خليكي عندك متمشيش أنا جاي .
قفل التليفون من قبل ما هي ترد ، عيونها دمعت و هي بتقول بخوف : أنا خايفة أعمل اي ؟! .
رحمه بقلق : لا لا متخافيش الموضوع مش هيكبر ، خليكي كويسة جدآ و جمعي نفسك .
سالي بتعاطف : سلمي أدهم هيدّمر .
سلمي عيطت و قالت : بس يا سالي أنا مش ناقصة .
سالي بدموع : طب خلاص أهدي .