سلمي بدموع و صوت عالي : تفهمني اي ؟؟؟؟؟ .
مراد بلهفة : و الله أسمعيني بس ، ميليسا دي أختي .
سلمي دموعها نزلت من الغيره و قالت بإنفعال : حتي لو زي أختك مينفعش تحضنها و تبوسها كده .
ميليسا بضحك : و الله لاء ، أنا أخته فعلآ .
سلمي عقدت حاجبيها و قالت : ازاي يعني مراد ملوش أخوات .
مراد أبتسم و قال : أختي في الرضاعة و الله .
سلمي بصت ل ميليسا و ميليسا هزت راسها بالإيجاب و هي مبتسمة و قالت : قولت أعمل فيكي مقلب معلش .
سلمي بتنهد : مقولتليش يعني إنك ليك أخت في الرضاعة .
مراد : مجتش فرصة و الله .
سلمي بتساؤل : و أنتي عرفتي إن أنا سلمي ازاي ؟؟؟ .
ميليسا بإبتسامة : مراد كان بيكلمني و يحكيلي عنك .
سلمي أبتسمت و سكتت .