ميليسا ضحكت أكتر و مردتش .
أدهم ضحك بذهول : أنتي قصدك بيغيير عليكي مني !! .
ميليسا بضحك : أيوه .
أدهم ضحك و خبط كف علي كف و هو بيقول : مراد ليه مش مستوعب إن أنتي عندي زيك عنده بالظبط .
ميليسا وقفت ضحك و قالت بإندفاع و تلقائية : لاء بس أنت مش أخويا .
أدهم بعقد حاجبيه : اي ؟؟؟ .
ميليسا بتوتر : قصدي يعني بالنسبة له هو .
أدهم كان لسه هيرد بس قاطعه مراد و هو بيقول : يله يا ميليسا .
ميليسا بتنهد : لسه بدري .
مراد : لاء معلش يله .
أدهم بص ل ميليسا و بص ل مراد و قال بلطافة : سبها تبات معاكوا إنهارده متخلهاش تبات في البيت التاني لوحدها و أنا هبات في شقتي ، تصبحوا علي خير .
خرج من البيت من قبل حتي ما مراد ينطق ، مراد بصلها بحدة و قال : و أنتي ما شاء الله بتوزعي ضحكاتك علي أي حد كده !!! .