_ ازاي و انت قولت انك كنت هتتجوزها لو مكنتش انا ظهرت
يعني انا اخدتك منها برضو يعني اختي لها كل الحق انها تكرهني
close
مسح على وشه بعصبية
_بقولك ايه يا جنة بطلي تحاسبيني كدا… انا كمان مليش ذنب ما نورا قدامي بقالها سنين لو عايزها كنت اتجوزتها من زمان هي اللي فهمت اهتمامي غلط
_ انت كلامك بيناقض بعضه يا محمد شكلك كنت مبسوط بلمتنا حواليك…طبعاً ما البنت و اختها واقعين في دباديبك
رد بصوت جهوري
_جنة
ابتسمت بسخرية
_ايه قولت حاجه غلط
قرب عليها و مسكها من دراعها بعصبية و عيونه دمعت و هو بيتكلم
_ مش بعد كل اللي عملته تفكري فيا كدا… انا بحبك انتي افهمي
كنت خايف على نورا عشان شايف قد ايه هي متعلقة بيا
مكنتش قادر اواجهها لكن وقت الجد و قفت قدامها و قولت اني بحبك
و وقفت في وش ابويا عشانك.. متجيش بعد كل دا تطلعيني وحش
قعدت في الارض و هي بتعيط