= افندم يا شمس هانم ..لسه في حاجات خنقاكي عاوزه تقوليها..
اندفعت شمس ناحيته وهي تقول بغضب متقطع..
= البت الي تحت دي..مش هي دي الي ..الي..
بيجاد وهو يتأمل ثورتها ببرود..
= أيوه هي دي ميرنا بنت عمي و الي اتخانقت معاكي قبل كده..
شمس بغضب..
= اتخانقت معايا ..دي استغلت اني فاقده الذاكره و شتمتني..وطردتني بهدوم البيت وكانت هتتسبب في موتي وموتك على ايد الناس الي ضربوا علينا نار…
نهض بيجاد وهو يقول ببرود وسخرية ..
= ياااه هي عملت كل ده ..كويس انك عرفتيني..اصل مكنش عندي خبر..
ثم أضاف بصوت صارم وهو يشير إلى خزانة الملابس …
= اتفضلي إلبسي خلينا ننزل لها تحت..
شمس بغضب وذهول.
= ننزل فين انت عاوزني انزل اقابلها كده عادي ..ليه فاكرني معدومة الكرا….
بيجاد مقاطعآ بغضب حقيقي..
= إخرسي ..وروحي نفذي الي قلتلك عليه قبل ما صبري عليكي ينفذ ..
شمس بتحدي..
= مش لابسه ولا هنزل اقابلها وأعلى مافي خيلك اركبه..انا مش لعبه في اديك تحركها زي ماانت عاوز..
اقترب بيجاد منها بشر بينما تراجعت شمس للخلف بتوتر وهي تحاول ألا تظهر خوفها منه
إلا أنه وفجأه سحبها من زراعها العاري وجرها من خلفه وهو يقول بتوعد..
= خلاص متلبسيش انتي كده كويسه اوي..وخصوصآ للعقاب
الي مجهزهولك..
ثم جلس على المقعد و سحبها فجأه ناحيته فسقطت رأسآ على عقب بعنف فوق قدميه ثم قيد زراعيها فوق رأسها بأحد زراعيه وهو يقول بغضب ..
= خلينا نسمع شكوتك كلها يا شمس هانم..ها قولي ايه ..ايه