لترد شمس بارتباك وخوف قائلة :
= انا ..انا شمس مرات عصام السواق .. وحضرتك مين؟
تجاهلت ميرنا سؤالها وهي تشير لملابسها بتأفف
=مراته؟ ..طبعا هتقولى ايه غير كده
ثم تابعت وهي تنظر لها باحتقار
=وبتعملى ايه هنا وواخدة راحتك اوى كده
شمس بخوف :
= احنا ساكنين هنا وعاصم بيه هو اللى…
قاطعتها ميرنا وقالت بإحتقار :
=اسمعى يا بتاعة انتى .. من غير رغى كتير.. انا متأكدة ان عاصم بيه خطيبي .. استحالة يوافق ان واحد من الشغالين إللى عنده يجيب واحدة من الشارع ويقعدها معاه هنا
ثم تابعت بتكبر :
=ده مكان له احترامه مش زى الاماكن اللى انتى واخدة عليها
شمس بغضب :
=انتى بتقولى ايه يا ست انتى احترمي نفسك.. انا ساكتالك بس احتراما لجوزى واحتراما لصاحب البيت اللى
مشغلنا
ميرنا بسخرية :
=جوزك.. انتي لسة مصممة على الكدب برضه
شمس بغضب وقد امتلأت عينيها بالدموع
=انا مبكدبش ..وثواني انا هتصل بجوزى واخليه يكلمك
نظرت ميرنا اليها وهي تقول بمكر :
= وعلى ايه انا اللى هكلمه وقدامك