=لا انا صاحية وكنت فى المطبخ بجهزلك الاكل .. بس كنت مترددة ارد والا لأ
ابتسم عاصم وقال :
=واترددتي تردى ليه؟.. ده تليفون بيتنا واكيد اللى هيرن عليكى هيكون عايز يكلمك او يكلمنى .. يعني مفيش حاجة تخليكى تترددى
ثم تابع بحنان :
=عموما انا بكرة هشتريلك تليفون علشان اقدر اكلمك فى اي مكان وابقى متطمن عليكى
ابتسمت شمس بسعادة وهي تتخيل الهاتف الجديد وتسمعه يقول بإهتمام
=ها مقولتليش طبخالنا ايه.. والا اخدها من قصيره واشتري اكل من برة
قالت شمس بغضب طفولى :
=طب والله لو اشتريت اكل من برة لازعل منك .. ده انا بقالى ساعتين بطبخ فى الاكل
عاصم بمرح
=وانا اقدر ازعل شمسى .. دا انتى لو حطتيلى طوب هاكله المهم انه من ايدك
شمس بفرحة :
=لا متقلقش مش هتاكل طوب.. انا عملالك طاجن ورق عنب باللحمة وحمام محشى فريك وسامبوسك جبنة وكيكة شيكولاتة تجنن
عاصم بمرح :
=ايه ده كله .. ده كده وليمة مش غدا
شمس بسعادة :
=اصل المطبخ حلو اوى فيه كل الاجهزه الحديثة اللى كنت بتمناها والتلاجة ماشاء الله مليانة .. فبصراحة اتشجعت
واهو بسلى نفسى على ما انت ترجع
ابتسم عاصم وهو يقول بحنان :
=انا عارف يا حبيبى انك حاسة بملل .. بس كلها يومين تلاتة بالكتير وكل ده هيتغير.. كمان انا هاخدك بكرة نقضى