وتنسيه
ابتسمت ميمى بسعاده وهى تقول بحماس :
=طب يلا بينا
نبيله بدهشة
=مستعجلة اوى؟.. استنى لما اغير هدومى والا هاروح كده .. وربنا يستر من عاصم لما يعرف
ثم تركتها وتوجهت الى غرفتها فاسرعت هى الى هاتفها وقامت بطلب رقم بتعجل وهي تنظر لاعلى الدرج بتوتر وقالت :
=ايوة يا تارا انا عملت كل اللى قولتيلى عليه واحنا رايحين لها دلوقتى واسفة ليكى خالص اننا مكناش مصدقينك
قالت تارا بابتسامة ماكرة وهي تنظر لوالدتها قسمت
_المهم تتخلصي منها قبل ما يرجع وهى زى ما قلتلك متعرفش انها متجوزة من عاصم الهوارى .. هى فاكرة انها
متجوزة حتة سواق غلبان .. يعني هتبيعى وتشترى فيها زى ما انتى عايزة
ميمى بسخرية :
=سواق .. وازاى مصدقة ان عاصم سواق؟ دى غبية دى والا ايه؟
تارة بجدية :
=سيبك من الكلام ده كله.. انتى كل اللى عليكى إنك تخرجيها برة القصر وانا هبعت لها ناس يدوها شوية فلوس ويقنعوها انها تبعد عنه .. هي الاشكال اللى زى دى هتعوز ايه غير الفلوس
ابتسمت ميمى بسعادة وقالت :
=متشكرة اوى ليكى .. انا مش عارفة اقولك ايه
تارا بمكر
=ولا يهمك يا حبيبتى ده احنا اخوات .. يلا سلام عشان معطلكيش