=ربنا يخليك ليا يا عاصم .. انت هاتيجى تتعشى معايا مش كده؟
اجابها عاصم قائلا :
=للاسف مش هقدر .. عندى شغل كتير واحتمال ابات برة البيت كام يوم .. عموما البيت بيتك و بيلة هتكون معاكى
لو احتاجتى لاى حاجة
ثم تابع بمرح
=سلام دلوقتى يا ميمى عشان وصلت الشركة وهكلمك بعدين
ثم اغلق الهاتف
كان قد قرر الا يعلم احد بزواجه من شمس الا بعد ان يصارحها بحقيقته وبحقيقة ماحدث معها وبعدها سيقيم لها حفل زفاف كبير يحاول تعويضها به عن كل ما مر بها
اغلقت ميمى الهاتف وهى تقول بغضب :
=مش هيجى .. اكيد رايح للفلاحة
نبيلة بفروغ صبر
= انا قولتلك وانتى مش عايزة تصدقى .. عاصم اتجوز خلاص وبيحب مراته بجنون فإنسيه وشوفى العريس اللى جايبهولك ابوكى
ارجعت ميمي شعرها للخلف وهى تقول بغضب
=انتى بتقولى ايه يا عمتى .. بقى انا اسيب عاصم الهوارى اللى كل بنات البلد بيجروا وراه
ثم اشارت للقصر بغضب
=واسيب كل ده للفلاحة اللى اتجنن و راح اتجوزها واروح اتجوز واحد تاني
نبيله بغضب
=ميرنا متتكلميش كده عنها تانى .. البنت بتحبه زى ماهو بيحبها والحب مفيش فيه فقير وغنى