=وانا مش قابل أسفك .. وموضوع خروجك من غير ما تعرفينى ده ميتكررش تانى .. والا هتشوفى منى وش مش هيعجبك
ثم تابع وهو يقف مبتعدا عنها حتى لا يضعف بعد ان رأى دموعها
= واعملي حسابك احنا هنسيب الشقة دى وهنروح نعيش فى شقة صغيرة للمستخدمين فى قصر عاصم الهوارى
جلست شمس وهي تقول بصدمة :
=نسيب هنا.. نسيب هنا ليه؟
عاصم بصرامة
=هنسيب هنا عشان انا اتفقت مع عاصم بيه انى هفضل السواق بتاعه وهتمرن على المحاسبة جنب شغلى.. وهو هيوفر لنا سكن عنده فى شقق المستخدمين في القصر بتاعه عشان لو احتاجنى في اي وقت يلاقينى
شمس بغضب وقد امتلأت عيونها بالدموع
=بس انا مش عايزة اسيب هنا..ده بيتى وانا بحبه ومش عايزة اسيبه
عاصم بجدية :
=بيتك فى المكان اللى فيه جوزك وده شغلى ولازم تساعدينى انى احافظ عليه
ثم تابع بتوتر وهو يحاول التخفيف عنها بعد ان رأى دموعها
=وعموما شقتنا هتفضل موجودة وهنرجعلها لأن وجودنا فى الشقة التانية مؤقت ومش هيستمر كتير ..لحد بس ما عاصم بيه يعين سواق تانى وانا انتظم فى شغلة المحاسبة
هزت شمس رأسها بالايجاب بصمت وعينيها ممتلئة بالدموع مما حرك عاطفته نحوها الا انه قاومها وهو يقول بتوتر ويشير الى الطعام الذى احضره من احد المطاعم
= انا خارج برة اعمل مكالمة وانتي بطلى دموع ودراما وحاولى تاكلي حاجة .. انتى مأكلتيش حاجة من الصبح
ثم تركها وخرج وهي تنظر للطعام بمقت رغم جوعها الشديد