جلست شمس بصمت على طرف الفراش وهي تنكس رأسها وتقول بهمس :
= انا اسفة يا عصام .. انت زعلان منى .. مش كده؟
قال عاصم بهدوء وهو ينظر من النافذة دون ان يلتفت اليها :
= انتى شايفة ايه؟
إمتلأت عينيها بالدموع وهي تقول بإختناق :
=انا اسفة .. بس بجد انا مكنتش قاصدة ان اى حاجة من دى تحصل .. انا كنت هاشترى خضار وهارجع على طول
ثم اختنق صوتها بالبكاء وهى تقول :
=مكنتش اعرف ان كل المصايب دى هتحصلى
قال عاصم بهدوء دون أن ينظر اليها
= تقصدى ايه باللى حصلك؟
ثم اشتد صوته بصرامة اخافتها وقال :
=اللى هو خروجك من البيت من غير ماتعرفينى وانا مأكد عليكى مليون مرة انك متخرجيش لواحدك.. والا تهورك وخناقك مع مجرم وتعديه عليكى بالضرب فى وسط السوق اللى اتقلب لحرب بسببك والا جرجرتك على القسم وحجزك فيه وسط المجرمين والحرامية
سالت دموع شمس وهى تقول :
= عندك حق.. انا اسفة .. انا عارفة اني مكانش المفروض اخرج من غير ما اقولك بس انا فكرت ان الموضوع مش هياخد مني دقايق يعني هاجيب الخضار وارجع على طول ومش مستاهلة اقولك
إلتفت اليها عاصم وقال وهو يكتم غضبه واحساسه بانها كادت أن تضيع منه :