عاصم بضربة قوية في معدته وهو يمسك يده ويضربها عدة مرات حتى اجبره على ترك الزجاجة من يده وهو يقول بغضب :
=دافع عن نفسك .. ده لو تقدر يا بغل والا مبتتشطرش الا على الستات
ثم عاجله بعدة ضربات متتالية في وجهه ومعدته وبين ساقيه جعلته ينهار ويقع على الارض وهو ينزف الدماء بغزارة من انفه وفمه ليسحبه عاصم ويدفع يده عكس اتجاهها الطبيعى حتى تحطمت فصرخ بألم وعاصم يقول
بغضب وقسوة وهو يضربه بجبهته في رأسه ثم بثق عليه وقال :
=دي قرصة ودن صغيرة .. واحمد ربنا ان كسرت دراعك بس ومقطعتهوش خالص .. وقدامك يومين تسيب القاهرة كلها وتروح تتلقح فى اي مكان تانى قبل ما انفذ تهديدى واعيشك اكتع طول عمرك
ثم تركه وذهب وهو يعيد ترتيب شعره وملابسه
ليقابل محمود الذى وقف بجانب السيارة متأهبا وقال عاصم له
=غيرلى طقم الحراسة كله وهات طقم يكون محترف واقلبلى مصر كلها لحد ما تلاقى ابو شمس .. الراجل ده هو اللى عنده مفتاح اللغز اللى احنا عايشين فيه
ثم تابع بتوعد
=في حد عايز يتخلص من شمس ولازم اعرفه.. وساعتها هندمه على اليوم اللى اتولد فيه