بنتين وولد على الشغل معاه
قصاد انه يديهم مبلغ صغير يقدروا يعيشوا منه.. ودايما بيستخدم العنف معاهم واخرهم ابن اخوه اتحجز فى المستشفى اسبوعين بسبب اللى عمله فيه
ثم تابع ببتساؤل
=انا جبت الست ام البنت زى ماطلبت .. بس مش عارف سعادتك عايزها ليه
عاصم بغضب
=دلوقتي هتعرف
ثم دخل الى الغرفة المجاورة ليجد بها شخص ضخم يرتدى جلباب متسخ وينظر اليه بتوجس فيقوم الضابط بتركهم وهو يقول بهدوء
=هسيبك مع عاصم بيه ويا ريت تعقل وتحلها ودى
ثم غادر .. فجلس عاصم امامه بتكبر وضع ساق فوق الاخرى يتأمله بستهزاء والرجل يقول بصوت عالى وبنبرة
تهديد :
= انا سمعت فى الحجز انك عوضت البياعين بضعف تمن بضاعتهم.. لكن انا مش هقبل بأقل من مية باكو عشان اتنازل عن المحضر.. والا بينى وبينكم المحاكم
قال عاصم ببرود
=خلصت اللى عندك والا هتفضل تهرتل بالكلام كتير
نظر له الرجل بصدمة وعاصم يتابع بصرامة
= اخرس بقى واسمعنى
ثم اشار له بإحتقار
=اولا كده.. انت اقل من انى اضيع خمس دقايق من وقتى معاك
ثانيا انت اكيد عملك اسود فى الدنيا عشان ربنا وقعك فى ايدى
ثم تابع بغضب عارم :
وايدك اللى اترفعت على مراتى هقطعهالك وفلوس مفيش واعلى مافي خيلك اركبه