سحبها عاصم لاحضانه مجددا ولف يده حول خصرها وهو يقبل رأسها بحنان وهو يقول :
=ششش خلاص كفاية دموع وانتى عملتى اللى عليكى وزيادة وانا اوعدك انى هحاول اساعدهم على قد ما اقدر
ثم ابتسم بهدوء وهو يجلسها على احد المقاعد وجلس امامها على عقبيه وناولها
زجاجة عصير و قطعة بسكويت مغلفة وقال بحنان :
=اشربى العصير يا حبيبتي واتطمنى انا خلاص خلصت الموضوع وكلها عشر دقايق بالظبط وهنمشى من هنا
هزت شمس رأسها بايجاب وهو يشير لباب الغرفة ويقول :
روايه حافيه علي اشواك من ذهب كاملة جميع الفصول
= متخافيش انا هسيبك عشر دقايق بالظبط اقفل المحضر مع الظابط وارجعلك تانى عشان اخدك ونمشي
ابتلعت شمس ريقها بتوتر وهي تقول بصوت مرتعش :
=بس متتأخرش عليا
ابتسم عاصم وهو يقبل يدها بحنان ويقول بهدوء :
=عشر دقايق بالظبط وهكون عندك
ثم قبل يدها مرة اخرى ثم غادر واغلق باب الغرفة خلفه ليجد محمود بإنتظاره في الخارج ويقول له بجدية :
=انا جمعت المعلومات اللى طلبتها عن الواد بياع الخضار
الواد ده اتسجن كذا مرة فى قواضي عنف وبلطجة وفرض إتاوات.. مطلق اكتر من مرة .. والبت اللى كان بيضربها دى مش بنته .. دي تبقى بنت اخوه .. واخوه ده مريض مبيقدرش يشتغل وهو بيجبر مرات اخوه وولادها اللى هما