شمس بقسوة متعمدة
=محصلش حاجة بس انا مبقتش مرتاحة لعلاقتنا .. انا منكرش انى كنت معجبة بيك وقضيت معاك كام يوم حلوين بس حط نفسك مكانى .. انا كلها تلات شهور وهتخرج وابقى محامية ومش معقولة يعنى ولا يليق بيا انى لما احب ارتبط أرتبط بسواق
عاصم بغضب وهو يحاول استيعاب ما تنطق به :
= انتى بتقولى ايه يا شمس .. انا ملقش بيكى؟
شمس بوجع وعينيها تمتلئ بالدموع
=بصراحة اه .. واظن مفيش حاجة تزعل في كلامى ..لازم كل واحد يرتبط بإللى يناسبه واللى من مستواه .. وانت اكيد هتلاقى بنت الحلال اللى تليق بيك وبمستواك
عاصم بغضب وذهول
= والكلام ده كله ظهر فجأة كده؟.. والا لسة واخدة بالك انى سواق وانتى محامية واننا منلقش لبعض؟
شمس بتوتر وهي تقول :
= بصراحة كده انا متقدملى عريس غنى شغال في الخليج جه خطبني من ابويا وانا وافقت .. واول ما اخلص امتحاناتى هيتجوزنى واسافر معاه .. واظن ان ده عريس ميترفضش
اغمض عاصم عينيه بألم وهو يستمع اليها ويكاد قلبه أن يتوقف من شدة الالم وهو يسمعها تضيف ببرود
وانا عارفة ان انت تتمنالى الخير.. فياريت متتصلش بيا تانى عشان خطيبى لو عرف ممكن يعملى مشكلة
قال عاصم بوجع وهو لا يعرف ايغضب منها لخداعها له ام من نفسه التى قادته لعشق خائنة مثلها
=متقلقيش انا مش هتصل بيكى تاني واكيد مبسوط من قلبي انك لقيتى اللى يليق بيكى ويستحقك
ثم اغلق الهاتف بوجهها وهو يقرر رغم عشقه اللا متناهي لها ان يمسحها من حياته نهائيا