وعنقها ليتوقف اخيرا وهو ينظر لوجهها المشتعل بالاحمرار واصابعه تتحسس برقة شفتيها المنتفخة من أثر قبلاته وهو يهمس امامهمابعشق ويقول :
=مصاريفك ومصاريف بيتنا مسئوليتى ومفيش شغل الا لما تخلصى جامعتك وساعتها تقررى انتي عايزة تشتغلى والا لأ .. واى قرار هتاخديه انا معاكى فيه .. انا هقوم أحضرلنا العشا..عشان ميعاد الدوا بتاعك قرب
ثم تركها وعينيها تتابعه بحب وترتسم على شفتيها ابتسامة حب
بينما دخل هو سريعا للمطبخ الصغير واستند بيديه على الحائط واغمض عينيه بتعب .. مشاعر متناقضة تنتابه مابين رفضه لما حدث منها سابقا وتصديقه لما يراه منها الان وماحدث منها فى السابق
عندما كان عاصم يقود سيارته ويعيد الاتصال بشمس منذ الصباح وهي لاتجيب.. فتنهد بصوت غاضب وهو ينظر
لهاتفه بغضب ممزوج بقلقه عليها ويهمس لنفسه قائلا :
=انا خلاص اعصابى تعبت .. ردى ياشمس .. انا إللى غبي .. ايه اللى خلاني اكمل فى اللعبة الغبية دي لحد دلوقتى
ثم تابع وهو يعيد الاتصال بها مرة اخرى
=المهزلة دى لازم تنتهى .. انا لازم اقولها على كل حاجة واطلبها من ابوها واتمم جوازنا بأقسى سرعة
ثم ابتسم وهو يفتح علبة مجوهرات صغيرة بها خاتم جميل من الياقوت تحيطه حبات من الماس إشتراه لها منذ يومين استعدادا لطلب يدها من والدها وهمس قائلا :
=يا ترى هايعجبها؟
ثم تابع وهو يتذكر إبتسامتها ورقتها بحب
=وحتى لو معجبهاش هشتريلها غيره المهم عندى تكون مبسوطة
ثم تابع بقلق وتوتر
=بس المهم ترد عليا انا خلاص دماغى هينفجر من كتر قلقى عليها
الى أن اتاه صوت شمس تجيبه على الهاتف بتعب قائلة :
= ألو