غير ماتحس ان المرتب قل او نقص منه حاجة .. المهم ماتحسش انك مجبر انك تكمل فى حاجة انت مش حاببها عشان الفلوس
ابتسم عاصم وهو يقول بسخرية مستترة
=يعني مش هتضايقى لو قررت اكمل في شغلتى .. اقصد عشان شكلك قدام اصحابك خصوصا انها كلها شهرين
وتاخد ليسانس الحقوق وتبقى محامية
اعتدلت شمس وابتعدت عنه وهي تقول بغضب
=انا مش فاهمة لازمته ايه دلوقتى الكلام الغريب اللى انت بتقوله .ثم ابعدت يده عن خصرها وهي تقول بغضب :
=اوعى كده بجد انا زعلانة منك مكنتش افتكر انك ممكن تفكر ان تفكيرى وحش بالشكل ده
ابتسم عاصم وهو يعيد ضمها اليه بمرح وقال :
=خلاص يا حبيبتى متزعليش انا اسف
انا بس كنت باخد رأيك وخلاص عرفته ومن بكرة هبلغ عاصم بيه انى هابتدى تدريب عنده.. بس انتى ورينى شطارتك بقى في التوفير لان المرتب هينزل للتلت تقريبا
نظرت شمس اليه وهي مازلت تعقد حاجبيها بغضب طفولى وقالت :
= هتشوف المرتب هيقضينا وهيفيض منه كمان ..وبعدين انت نسيت ان دى اخر سنة ليا فى الكلية وكلها شهرين وهمتحن وهنزل اشتغل واساعدك في المصاريف
لتتفاجأ به يسحبها الى احضانه ويضمها اليه بقوة وهو يبتسم بعشق ويقول :
= لا ده انا كده اتطمن خالص .. حبيبتى هتشتغل وتساعدنى فى المصاريف
تم تابع وهو يطبع قبلة على شفتيها بمرح ويقول :
طيب مفيش حل سريع؟.. يعنى انا لسة هستنى لما تمتحنى وتنجحى وتبتدى تشتغلى
شمس بحماس وقد نسيت غضبها منه :
= اه طبعا فيه .. يعنى انا ممكن كمان انزل اشتغل اول ما أفك الجبس و….
لم تكمل حديثها وهي تشهق عندما اطبق على شفتيها فجأة يقبلهم بنهم شديد ويضمها اليه بعشق لترتفع دقات قلبها وجسدها يستجيب للمساته بارتعاش وتطول قبلته وهو يوزع قبلات صغيرة عاشقة متمهلة على وجهها