عصمت بصوت جاد..
=لسه اهم حاجه يا نبيله ..تتخلصي من الي اسمها شمس دي و تقنعي بيجاد ابن اخوكي انه يتجوز تارا بنتي و بكده ماما هتتطمن عليها وهتتطمن انها هتعيش في نفس المستوى الي واخده عليه
ثم تابعت بتهديد خفي..
=واظن انكم مش هتلاقوا عروسه احسن من بنتي.. والا انتي شايفه ايه..
نبيله بحزن ودموعها تسيل..
=عندك حق مش هنلاقي احسن من بنتك عروسه لبيجاد.. بس انتي شفتي بنفسك هو بيحب شمس قد ايه وكان هيضيع نفسه عشان ينقذها .. يبقى ازاي عاوزاني اتخلص منها
ابتسمت قسمت بقسوه..
=ملكيش دعوه انا هتصرف بس اهم حاجه انتي متدخليش.. اهتمي بصحة ابن اخوكي وملكيش دعوه بإلي هيحصل
انهارت نبيله ارضآ وهي تبكي وتقول بارتعاش..
=حاضر يا قسمت هعمل كل الي انتم عاوزاه بس المهم اعرف طريق بنتي..
ابتسمت قسمت بخبث..
=وانا اضمنلك ان في اليوم الي بنتي هاتبقى فيه مرات بيجاد الكيلاني.. هو نفسه اليوم الي هتعرفي فيه مكان بنتك..