أسد بإبتسامة: مفاجأة مش كده.
أيان: اه منك يا اعور اه، ياخي الارض دارت بينا واحنا قالبين عليك الدنيا.
أحمد هو وبيكح من أثر الضرب: وانتوا فكركم إني وقعت لا ده في خيالكُم.
أسد: بقى أنت يا أعور، سبب المصايب دي كلها ياخي أنت أبليس لو شافك هيركع ليك، وقعت اخويا ودمرت نور ووصلت مراتي للموت وأنت لسه عايش ياه حلو، صح حلو.
أسد وأيان كانوا بيقربوا منه وكانوا بيبتسموا ليه بِشر هما وبيرفعوا أكمام القمصان بتاعوتهم.
أحمد بخوف منهم: أنا رجالتي زمانهُم جايين يا ولاد ال****.
دخلوا رجالته اقتحموا المكان والأسلحة كلها كانت موجهه على أيان وأسد بصوا لبعض وقال أسد: يلعنك ياخي.
أيان بضحك: ويلعنك يا صاحبي.
ورفعوا إيدهُم بإستسلام.
……………………..
(في قصر العشماوي)
سيليا كانت باصه للإختبار بدموع وقالت: يعني إيه، يعني أنا في بطني دلوقتي طفل.
وقفت قدام المرايا ورفعت التي شيرت بانت بطنها وقالت: هيتقبل حقيقته يا ترى، ولا هيجبرني إني انزله.
قعدت على السرير وقالت: مستحيل انزله مستحيل حتى لو كان المُقابل موتي.
كانت بتبكي ودخلت جليلة وقالت: سيليا انزلي اتعش….
فجأة سكتت لما لقيتها بتعيط وقالت: مالك في إيه.
دارت بسرعة الإختبار بتاع الحمل ومسحت دموعها: مفيش.
جليلة: بصيلي.
قعدت جمبها وادارت وشها وقالت: مفيش يا ماما ممكن تسبيني لوحدي.
جليلة: بتعيطي ليه، في إيه.
سيليا بدموع حضنتها وقالت: نور صعبانه عليا اوي.
جليلة هي وبتلمس على شعرها: متزعليش يا بنتي كُله هيعدي، وبعدين تعالى ننزل نواسي خالتك مش مبطله عياط على نور وعلي ابنها على اللي عمله فيهم وفي نور.
سيليا بدموع: علي ازاي جاله قلب يعمل كده وبعدين خالتو اتحسنت؟!
جليلة:مركبين ليها محلول ومش مبطله عياط
سيليا بدموع: ربنا يصبرها بجد، الاتنين محبوسين وبنتها في المصحه، ربنا يطبطب على قلبها بالصبر.
جليلة هي وبتمسح دموع سيليا وقالت: وبعدين يستي أسد وأيان خرجوا من السِجن ساعة وراجع أسدك.
سيليا بفرحه: بجد يا ماما!
جليلة بإبتسامة: اه وجد الجد كمان، قومي غيري هدومك وانزلي على العشا، واهو أسد جاي يهون علينا شوية.
سيليا بفرحة: فورا.
طلعت جليلة وقالت هي وبتقفل الباب: ربنا يريح قلبك يبنتي.
سيليا مسكت الإختبار وحطته تحت هدومها في دولابها ودخلت الحمام تاخد شاور هي وفرحانه.
………………………
(في المستودع)
أيان بضحك هما ومربوطين ومتعلقين من ايديهم: طلعنا من خيبة دخلنا في اللي بعديها.
أسد بضحك وكان وشه مشوه من الضرب: اهو الفقري طول عمره كده، بس أنا دي لعبتي وعُمر الأسد ما يتغلب.
أيان بصله وتنح فجأة سمعوا ضرب نار كتير بره.
أحمد قام انتفض وصرخ فيهم: يا ولااااااد ال*****.
أسد بضحك: وانقلب السحر على الساحر، فِركش يا أعور.
دخلت الشرطة وهو كان بيضرب عليهُم نار فجأة اتصاب في ضهره هو وبيجري وقع على الأرض أيان هما وبيفكوه: مطلوب حي الشخص ده يعيش بأي تمن.
أسد: خدوه على المستشفى بسرعه.
_امرك يا حضرة النقيب.
حسن دخل ليهم وقال: ليكم وحشه والله.
أسد بإبتسامة: تعالى هنا يا بطل.
حضنه أسد وأيان حسن شال السلاح وقال: الحمد لله على سلامتكم.
أسد: الله يسلمك يا حسن
أيان بصله وقال: يلا نلحق نعدي على نور في المستشفى.
أسد: يلا.
حسن هو وبيوقفهم وشد إيد أسد: نور في المصحه.
أسد بإستغراب: أنت بتقول إيه.
حسن بهدوء وبانت آثار الدُموع في عينيه: نور بتتعاطى مخدرات ده كلامهم وانا استحالة اصدق تمام استحالة،
جرحت ممرضة بالسكينة واصدروا قرار من الشرطة إنها تنتقل للمصحه.
أسد بزعيق: ازاي يحصل كده ازاي.
أيان بغضب هو وبيضرب رجله في العربية: الكلـ. ـب أحمد.
حسن: يعني إيه.