انت نايمه يُسر على سرير أسد وبصالهم وقالت: أنا عارفة انكم مصدومين ومين دي وقصتها ايه هحكيلكم انا يُسر ودموعها بتنزل وكملت.. عندي ٢٤ سنه خلصت كُلية الطب واتقدملي أحمد صاحبي في الكلية كنا آخر سنه في الكلية وحبيته وهو حبني اخدنا فترة خطوبه سنه ودلوقتي الحب بتاعي تجاهه اتبدل جوايا شعور اني كل يوم بتعذب وانا معاه لدرجة إني انتحرت مرتين! اه مرتين.. واقولهم مش عيزاه يجبروني، طبعًا ابويا عمدة البلد وابن عمدة ميصحش يُقال ليه بنتك عايبه سابته ليه؟
كان نسب في المليان؟ ده ضابط يا جبل؟ مقدرتش ازعله هو عنده القلب ونزلت عليه جلطتين قبل كده، لكن أنا محدش حاسس بيا ولا باللي جوايا انا لحد اللحظه دي وانا هربت من فرحي وابويا بيقع قدام عيني وهربت وجريت ومبصتش ورايا حتى وملقتش نفسي غير وانا هنا.
أسد بجمود: من اصابة رجلك اغمى عليكِ ولقيتك في الطريق وجبتك هنا.
يُسر كانت بصاله وهو بصلها.
نور: طيب هيحصل إيه دلوقتي.
يُسر: اعذروني الليله بكرا الصبح هطلع على اول طياره وهمشي من البلد خالص.
يُمنى: ميصحش يا بنتي انتِ تقعدي معانا الفترة دي لإن بكرا اول حاجه هيعملوها هيدوروا عليكِ في المطار والاماكن العامه
ويا عالم لو لقيوكي هيعملوا ايه.
يُسر: متخافوش عليا هبقى بخير و…
أسد: كلام أمي صح هتقعدي الفترة دي هنا وبعدين تشوفي تروحي فين ارض الله واسعه يعني مش هتفضلي هنا كتير.
يُسر بدأت تدوخ وتفقد وعيها وتقول: بس انا عايزه ام..امشي…….
ونامت تمامًا
نور: حطيت ليها مهدئ في المحلول
يُمنى هزت راسها وطلعت وأسد وعلي ونور
علي: إيه العمل دلوقتي يا أمي
يُمنى: أسد اللي يقرر هيعمل إيه.
أسد نزل معاهم لتحت وقال: ان شاءالله خير، أُم حسن
ام حسن: نعم يا بيه.
أسد: اعملي شوربه.
هزت راسها وهو قعد معاهم وفرد ضهره وكان الكل بيبص ليه وقال: ايه بالله ما ناقص نظراتكم دي قايم خالص
يُمنى وقفته وقالت: اقعد
قعد أسد وهي كملت: البنت غلبانه وتستاهل كل خير.
أسد هز راسه وكلهم سكتوا فجأة الباب بتاع القصر اتفتح ودخلت (مرام) مرات علي اخو أسد اللي اصغر منه بسنتين
مرام: السلام عليكم يا اهل الدار حمااااتي
يُمنى: مرام
قامت وحضنتها وبصت لـ علي وزعقت: مش قولت جاي تاخدني من بيت ابويا والله ملكش مرا على ذمتك
علي: ششش وطي صوتك
مرام: ليه
ام حسن: جهزت الشوربه يا أسد بيه
أسد قام واخدها منها
ونور قربت من مرام وقالت: اسد جاب بنت جميله اوي ومنومها في اوضته و…
يتبع…
_أسد جاب بنت جميله اوي ومنومها في اوضته
مرام بصوت عالي:اوهاااا أسد سلملي على مرات اخويا
أسد وقف وغمض عينيه لثواني على السلم وقال: متبالغيش وانبي
مرام: هنشوف هنشوف
أسد طلع على السلم ودخل الاوضه
مرام ضربته بالمخده فوق راسه وقالت: وحشتني ياخي
يُمنى بضحك: ما بتستحيش ابدا
مرارم نامت على حضن علي وقالت: وحشني والله
وصرخت فيه: موحشتكش ايااااك؟
علي بخضه: وحشتيني والله
مرام: ايوا كده اتعدل
نور بضحك على حالهُم: لا حول ولا قوة إلا بالله
قرب أسد من يُسر ووقف ليها المحلول وشال السلك من ايدها فاقت شويه راح عند الشبابيك وقفلهم وشد الستاير البيضا
وساب الستاير التقيلة السودا ورجعلها
وهو كان باصصلها وجاب كرسي قعد قصادها هزها وقال: يُسر، يُسر
يُسر: ها
أسد: اشربي الشوربه اهي قومي اتعدلي الاول.
يُسر: مش جعانه
أسد: لا قومي
حط ايده ورا ضهرها وقامت كانت بصاله وهو بيحط الصحن قدامها
يُسر اخدت الملعقة وجت ترفعها ايدها وجعتها من ابرة المحلول وقالت: اه
أسد لف ليها وقرب منها وقال: هاتي.
بدأ يشربها وهي بصاله وبيأكلها عيش توست جمبيها وهي بتستجيب معاه وكانت بتاكل وقالت: أنا حِمل تقيل عليكم
أسد كان باصص للطبق وساكت
يُسر بدموع: انا ندمانه من نفسي على اللي عملته معاك بدري
أسد رفع عينه في عينيها وقال: معملتيش حاجه، كُلي
يُسر بدموع اكتر: انا عكس شخصيتي متفهمنيش غلط حقك عليا و…
أسد هو وباصصلها: أنتِ بنت وده من واجبي اساعدك لا افهمك غلط ولا بتاع وكان اي حد هيعمل اللي انا عملته ده هساعدك
لحد ما تمشي من هنا على خير كُلي
يُسر بدموع: شكرا ليك
أسد بصلها وقد ايه كانت عيونها مورمة من كُتر البِكا وبصاله بأمل وفي عينيها براءة ونظرة طفولية قرب منها ومسح دموعها وهي باصه ليه وهو متنح وبيمسح دموعها فاقت من شرودها وبعدت عنه وقالت: كفاية شبعت
أسد اتعدل وفاق من اللي هو فيه وقال: لا خلصيهم افتحي
يُسر: لا لا
أسد: يلا بقول.
كانت بصاله وهو بيأكلها وهو رفع عينيه في عينيها وكان باصصلها واول مره قلبه يدق كده نزلت راسها هي وهو فاق من شروده واخد الصنيه حطها على جمب وقال: افتحي خدي ده مسكن لرجلك
اخدته وشربت مياه ونامت من التعب جه يقوم مسكت ايده وقالت بهلوسه قبل ما تنام: متسبنيش يا نقيب
أسد لف راسه وبصلها وبص لإيدها نزل لمستواها وهي
عينيها غفلت وسابت ايده رفع ايدها ورفع كُم البيجامه شاف علامات كتيرة في ايديها الشمال علامات انتحار فعلا وبصلها بصدمه قرب منها ورفع ايد الكُم اليمين شاف علامتين كإنهم بموس او سكينة ومتخيطين بصلها وقال في نفسه
” دي حاولت تنتحر كتير فعلا بقى كده بقيت معاملة البنات كل اللي هم ناسها إن يجوزوها لـ واحد معاه رُتبة أهم حاجة عندهم الفلوس مش راحة الولاية الناس تفكيرها بقي **** خالص يُسر وصلت للدرجة دي بسبب اهلها حسبي الله ونعم
الوكيل هتساعدها يا نقيب هتساعدها ”
مرام من بره اتدبست وقفلت الباب عليهم بالمفتاح
أسد جه يفتحه مبيفتحش هزه اوي وقال بغضب: مرااااام افتحي
مرام: آسفه يا أسد.