روح بغضب :اسفك مش هيفيدني بحاجة يامحمد
محمد :صدقيني انا عملت كدا علشان كنت متعصب اوي
روح اختفت من قدامه بدون ما تقول حاجة
محمد طلع بس ملقهاش عرف انها راحت لأمها
عند روح كانت مع زينب
روح بدموع :ياماما انا ايه اللي عملو فيا آسر هو ازاي بيتصرف كدا يعني علشان يرضي رفيقو يجوزني ليه
زينب :معلش ياحبيبتي دة اللي ربنا كاتبهولك واكيد فيه خير انتي بس اصبري وصدقيني انتي هتحبيه اكيد
روح :طب وانتي ليه متأكدة كدا
زينب بحب :لأنه انا وابوكي كنا كدا كنا طول اليوم خناق ونكد بس في النهاية اكتشفنا اننا مش بنعرف نعيش من دون بعض
روح :هو انتي وبابا متجوزتوش عن حب؟
زينب :لا كان جواز تقليدي عادي
روح بابتسامة :طب احكيلي
زينب بابتسامة:حاضر بس انتي روحي اعملي الشاي لجوزك وفطريه وتعالي مينفعش تقعدي هنا من الصبح
روح قامت بسرعة :مش هتأخر ياست الكل
وراحت ل محمد
محمد كان قاعد ع السفرة منتظرها
روح :احم انا روحت اجيب شوية حاجات من ماما علشان هنا مفيش
محمد :جبتي ايه
روح طلعت بسكويت من الكيس
محمد :بس هنا في بسكويت