شهقت طفلتها بتبرير :
– أيوة .. عشان هو كان السبب انك تعيطي… انتي كنتي زعلانة بسببه طول الايام اللي فاتت.. وعشان سابني لوحدي
هزت كاميليا رأسها:
close
– سيبك من اي حاجة .. انتي دلوقتي معايا وفي حضني
شاورت منى على كاميليا وهي تقترب منها قائلة:
– هي دي كاميليا؟
عرفهم نديم على بعضهم :
– اه يا ماما … كاميليا دي ماما منى مرات بابا
رحبت كاميليا بابتسامة :
– اهلا ازيك يا طنط
– ازيك يا حبيبتي
اعتذرت كاميليا بخجل:
– معلش لخبطنالكم الدنيا انا و دانا
قاطعتها منى قائلة:
– متقوليش كده دي بنوتة عسولة و هادية.. دي لو عايزة تقعد معانا على طول تنور.. ربنا يخليهالك ويحفظهالك
– ميرسي يا طنط
اقتربت سارة وهي تسلم على كاميليا بابتسامة: