الحقيرة دي عشان ايه !!؟
عشان انت كنت من غير أم وهي لا.. هي امها متمسكة بيها
قاطعها بنبرة متحكمة:
– كاميليا … بلاش تبوظي كل حاجة … و حاسبي على كلامك
ردت ببرود :
– عشان بيوجعك ؟؟ نقطة ضعفك بقى مش كده ؟
باباك قالي كل حاجة متقلقش.
ثم اردفت بقسوة :
– ذنبي ايه بقى ادفع انا غلطات اهلك في حقك .. ذنبي ايه تفكر تتجوزني عشان تعوض اللي خسرته زمان
هدر نديم بحدة قائلا بتبرير :
– وانا غلطت في ايه لما فكرت في كده ؟؟ انا حبيت دانا و صعبت عليا أن باباها مش معاها .. وخوفت تحس نفس
اللي كنت بحس بيه … ابقى غلطت ؟؟ غلطت عشان فكرت احميكي و احاول اعوضك خسارتك
اتسعت حدقتيها بذهول تحاول استيعاب صراحته :
– وحد كان طلب منك تشغل بالك بينا ؟؟؟ مين كان عينك وصي علينا اصلا … انا مش عايزة منك غير حاجة واحدة بس.. تبعد عن بنتي نهائي .. والا قسما بالله احكيلها كل حاجة واخليها تكرهك