– بصي هما بيحتاجوا بس مدير الشركة يعني ساعات بيبقى متشدد شوية بس ممكن اشوفلك كده…ممكن تاخدي رقمي واول ما يعلنوا أنهم محتاجين ناس اكلمك وتقدمي
close
قاطعه كمال بسرعة:
– لا خد رقمي انا يا باشا وكلمني انا
أومأ محمود بموافقة :
– ماشي مفيش مشكلة
– بس ياريت بجد متنساش
– حاضر متقلقيش حضرتك
_______
بعد مرور أربعة أشهر على التخرج..
دلفت تلك الطفلة الجميلة ذات الثلاث أعوام ونصف .. ببشرتها البيضاء و شعرها العسلي الاشقر الفاتح .. وعيون زرقاء
تسلقت السرير لتجلس بجانب أمها وهمست بصوتها المدلل :
ـ مامي…
همست كاميليا :
ـ نعم يا دانا…
ـ أنتِ نمتي؟؟
نهضت كاميليا وهي تقبل طفلتها من خدها الممتلئ الجميل :
ـ لأ.. كنت مريحة شوية
سألتها دانا بفضول:
-هو أنا هكلم بابا أمتى؟
أشاحت بوجهها للجهة الأخرى قائلة بضيق :
– تكلميه إزاي ؟؟