زينب : انتى لسه هتتبسبى اجرى يالا على المطبخ هاتلى كوبيه عصير وانتى اللى تعمليها وتجيبها بنفسك وعالله بس تعملها الخدامة وبعدها توقفى فى المطبخ تحضرى الاكل بنفسك انتى فاهمة وانا هرقابك وهشوف كلامى بيتسمع ولا لا يالا اخلصى
قدمت فاتن وندى على صوت جدهم وجدتهم
فاتن: جدى واحشتنى قوى
محمد: يا قلب جدك انتى اللى واحشنى البيت مضلم من غيرك
زينب: سيبها شوية يا حاج انا عايزة اشبع منها شوية
فاتن: زوزو واحشتنى ياقمر اية الحلاوة دى قمر ياناس
زيبنب: والله واحشنى يا بكاشة البيت من غيرك ملهوش حس
ندى: بقة كده يا عينى انا مليش اى لازمة حرام عليكى يا ست تونة انا العروسة واخد الاضواء منى
محمد: وهو انتى حد يقدر عليكى
ندى: طبعا انا فريدة من نوعى
ترك محمد زينب والبنات وصعد الى غرفة المكتب وبعد قليل جاء ادم اليه
ادم: واحشنى يا جدى عامل اية
محمد: اقعد عايزك فى موضوع
ادم: اية الوش الخشب ده مالك يا حاج
محمد: امال عايزنى اعملك ازاى وانت بتضرب مراتك مين اللى علمك انى الرجولة انك تضرب مراتك
ادم: ياجدى انا مكنتش اعرف الحقيقة وحتى ان كانت امى غلطانة بس ماتردش عليها
محمد: كنت عايزها تعمل اية وامها بتتهان قدامها تقف ساكتة
ادم: لا بس فى عقل وفاتن مش بتقدر تتحكم فى انفعالتها
محمد: زى يوم ما ضربت المحروسة خطيبتك فى شرم الشيخ اللى كانت مرمية فى حضنك
ادم: اية هى اللى قالتلك يا جدى
محمد: هى ما قلتش حاجة بس انت مفتكر انى معرفش عنايكم اى حاجة اخباركم كانت بتوصلنى اول باول قول بقة يا سبع الرجال امتى هتطلق بت عمك
ادم: اطلق قاتن ليه يا جدى
محمد: عشان هجوزها لواحد احسن منك
ادم بعصبيبة: اية ياجدى بتقول اية عايزة تجوز مراتى ده لا يمكن يحصل ابدا
محمد: مالك متعصب ليه هو انت بتحبها
ادم:…………………………………
محمد: مش محتاج ترد عليا ياواد ولدى انا عارف الاجابة ماهو اللى يتسرمح وهو فى شهر العسل مع مراءة غير مراته لازم يكون مش بيبحها
ادم: يا جدى الموضوع مش كده
محمد: بص يا ادم عايز الورث تمام انا هدهولك مقابل حرية فاتن تتطلقها عشان لو طلقتها عريسها مستنى وهو جاهز يكتب من بكرة
ادم: عريس مين ده انا اقتلها واقتله واشرب من دمهم هم الاتنيين
محمد: تقتل مين يا واد ماهى هتبقى مراته
ادم: لالالالا دى مراتى انا وبس ولحد ما اموت واللى هيفكر يبصلها بس انا هخلص اعليه