طارق(بصدمة):الله يخرب بيتك عملتي ايه؟!
نبض وطارق لقوا فجأة حواليهم رجالة ماسكين بند”قيات..
طارق(بهمس):اشهد ان لا إله الا الله و اشهد ان محمدا رسول الله..
طارق:واطين اوي سبونا وهربوا..
نبض:انت مش راجل ما تدافع عن نفسك…مستني واحدة ست تدافع عنك..
طارق:مش لما تدافع عن نفسها الاول…
-في واحد اتقدم من نبض وماسك في ايده مط”وة
نبض مسكت دراعه وتنته ورا ضهرها وضر”بته برجليها وزقته في الارض..
-في واحد تاني جه من ورا نبض ومسكها من رقبتها وفي واحد تاني مسك رجليها
نبض ضر”بت اللي ماسك رجليها برجليها ضر”به قوية بعد عنها…. حطت صوا”بعها في عي”ون الراجل اللي ماسك رقبتها من ورا غصب عنه بعد عن نبض..
نبض:بسرعة..
نبض مسكت ايد طارق وبدأت تجري والرجالة وراها..
طارق:الله يخرب بيتك..كان عندي اضر”ب بوكسين في وشي احسن..
نبض:انت اللي الله يخرب بيتك يا شيخ…ما هو لو انت كنت محترم وقادر تدافع عن نفسك مكنش ده حصل…