شهد /كنت فاكراك مش هترجع،، كنت خايفة اوي يا صالح
صالح بحزن/هشش،، اهدي،، اني چارك اهو ولا يمكن ههملك ابدا،، انتي الهوا اللي بتنفسه يا شهد ،، كيف يعني اهملك وامشي ببساطة اكده
شهد بحزن/ انت وعدتني هتيجي ومجتش،، انت اناني،، مفكرتش فيا،، انا انا كان هيجرالي حاجة من الخوف عليك،، خفت ليكون عمي اذ*اك،، انت ليه بتعمل كدة فيا
شهد كانت بتتكلم كتير بس سكتت فجأة اول ما صالح قالها…….
يتبع…
صالح بهدوء / اني عاشجك يا شهد
شهد سكتت فجأة وبصتله بصدمة
شهد/ انت قولت ايه؟
صالح بابتسامة/ بجول اني عاشجك،، ومحدش حرك جلبي غيرك،، من يوم ما شوفتك وانتي واجفة برة الدار بتاعة سالم واتعاركنا سوا وعيني چت في عيونك وانتي سحرتيني،، يوميها معرفتش انام كل ما اغمض افتكر عيونك اللي سحرتني،، وعشان اكده ما صدجت اول ما چاتلي الفرصة اني اتچوزك وتبجي مرتي تبت فيها بيدي،، كاني خايف لتهربي مني
ضحكت شهد من بين دموعها وهيا بتدفن نفسها في حضن صالح وهو بيحاوطها بايديه
شهد / انت عارف لو مكنتش طلعت بتحبني كنت هعمل ايه؟
صالح بضحك/ هتعملي ايه عاد
شهد بضحك /كنت هخطفك يا صالح،، واخليك تحبني غصب عنك