ادم : صباح الخير يمامي…
ريم : صباح الخير يقلب ماما يلا قوم يبطل عشان نجهز للحضانه…
ادم : انا خايف يكون فى ناس شريرة فى الحضانه زي مصطفي يماما هو ينفع تقعدي معايا هناك…..
ريم : يقلب ماما مينفعش عشان ابني بطل شجاع مش بيخاف من حد صح وله انت خواف يعم ادم ومش بطل وله بتاع…
ادم بيقوم ينط على السرير:لا انا بطل شجاع حتي شوفي العضلات اهو وبينط على ضهر ريم ويلعب معاها ….
ريم : يلا يشقي طيب اغسل وشك وسنانك عشان نلبس عشان الفطار الداده جهزته من زمان وحاجات انت بتحبها….
ادم بفرحه..سندوتش جبنه رومي وعصير فراوله صح..
ريم : صح يبطل يلا خلص بسرعه احسن يحيي ينزل ياكل اكلك…
يحيي بيكون واقف على الباب يتفرج عليهم بيدخل عند سماع اسمه ….الله ويحيي عملكم اي دلوقتي انتوا جماعه ظالمين انا زعلان وهعمل اضراب عن الأكل وبيروح يقعد على سرير ادم ويمثل أنه زعلان ….
ادم بيميل على دون ريم …قومي صالحي بابا والا مش رايح حضانه وهعمل انا كمان ضرب اكل زي ما بابا قال….
ريم : اولا اسمها اضراب عن الأكل يلمض مش ضرب اكل ثانيا يعم يحيي انت عارف اني بهزر ده انت قره عيني و حبيبي…
ادم بينط على ضهرها انا وبس حبيبك هااااا…