أيان: انتوا تعرفوا بعض
زهرة: الدكتورة يُسر زميلتي في الشغل
يُسر هزت راسها ليهم: دي حقيقة
أيان: ادخلوا طيب
دخلوا وزهرة كانت سانده يُسر وأيان نظراته كلها عليها وباصص ليها لغاية ما دخلت الاوضة وتلقى تلك الضربة على كتفه من أمينة امه: احكيلي يواد مالها حصل ايه
أيان: تعبان يا أمي تعبان لما اجي هحكيلك
طلع من القصر أيان ودخل عربيتة السواد الفخمه وكان لابس قميص أبيض وبنطلون أسود واسع ومدخل القميص في البنطلون وكان شيك جدًا
نسيت اعرفكُم عليه…..
(أيان العُمراني شاب في سن العشرينات ويبلغ من العُمر 26 سنه ذات بشرة بيضاء واشقر شعره أصفر وذقنه وعينيه البُندقية الضيقة وانفه الرفيع وشفتاهْ الرفيعة وذات جسم مثالي ورياضي يمتاز بالطول المتوسط وهو نقيب في الداخلية، وأنيق كثيرًا ويهتم بملابسه وحُسن المظهر)
كان سايق وقال بغضب: يلعني مفيش محل فاتح
فجأة شاف بنت لسه هتقفل ونزل بسرعة: استني استني استني
البنت بخوف: نعم
أيان: عايز فستان
_ افندم فستان ايه.