يتبع…
علي هو وباصص ليهم وقال هو وباصص في عيون أسد: اعتقلوني انهارده وهما مغفلين لانهم اعتقلوني متأخر لأني أنا اللِي حاولت أقتل يُسر، الحالة اللِي فيها يُسر الخديوي بسببي أنا، نور اختك وصلت للحالة دي بسببي انا اللِي اتفقت مع أحمد الأعور وكنت بلعب بيكم عيني عينك يا أسد العشماوي، بلعب بيكم وعليكم يا
وكملها بسخرية: يا أخويا.
أسد بصله بصدمه وأيان بص لـ أسد وقام أيان بصدمه
غمض عينيه أسد وكان بيعدي قدامه وعلي بيتراجع ودمعته نزلت أسد وقتها وبصله هو وبيقبض على ايديه وهجم
بكل طاقته ومسك راسه خبطها في الباب بتاع الزنزانه وصرخ وصوته زعزع ابواب السجن والمساجين: يا كلــــــــ. ـــــــب
علي هو وبيقوم من على الأرض: وأنت مستغرب ليه أنت السبب فاهم أنت السبب في كل حاجه حصلت في حياتي أنت الكُل في الكُل ياخي الكل شايفك أنت أما علي بح محدش بيقرب منه حتى أو يسأل عليه، أسد العشماوي
البطل أسد العشماوي جه وراح، شوفوه حتى اخوه مقادرش يبقى مدير ناجح هايل واخوه نقيب.
وزعق هو وبيبص في عينيه: اخوه نقيب.
أسد هو وباصص ليه وقال بصدمه: كُل ده وبتكرهني كل ده الكُره مالي عينيك مني، كل ده وعايش جواك