دخل الحمام اخد شاور وهو بيفكر فيها ولبس البدلة بتاعته البيضة ونزل لتحت
close
مرام:أسدددد استنى افطر
يمنى: يُسر صحيت
مسك الورقة وحطها على السفره: البت مشيت
مرام كانت بتقرأ الورقه بصوت عالي وبصتله
أسد: اتأخرت على الشغل
طلع أسد وطلع عربيته وشاف علي هو وجاي وراه: انت هتساعدها يا انا هساعدها
أسد بغضب: بكل بساطه منعرفهاش فين دلوقتي تروح فين ما تروح.
علي: البت دي ياخويا عيلتها صعبه ومتنساش هربت من الفرح اكيد لو لقيوها ناسها مش هيرحموها وممكن يلقاها عريسها يجبرها انها تتجوزه دور عليها يا حضرة النقيب ولا البدلة دي مظاهر وخلاص ونقيب على الفاضي.
وقال بشماته: يا حكومة.
بصله أسد وعلي هز راسه ودخل القصر
أسد كان سايق وراح لمكان شغله عدى وقت كتير وهو بيدور عليها وجت الساعة 10 بليل دخل صاحبه أيان