__سماح اول ماشافت التلفون بيرن :- سليم ياحبيبى انزل هاتلى شوية مية اشرب اصلى حاسة بهبوط
_سليم باستغراااب:- ماهى المية جنبك اهى ياماما
_سماح:- يبنى دى بقالها كام يوم انت عايز تموتنى وبعدين انا عايزة مية بسكر
_سليم :- حااضر ياامى
__نزل سليم وبعدها ردت سماح على التلفون :- الو ياحمدى خير
_حمدى:- فين سليم؟! ليه مردش
_سماح:- نزل معرفش راح فين
_حمدى:- بنتى بتمووووت ومحتاجة نقل دم حالا وفصيلة دمها مش موجودة لأنها فصيلة نادرة ومفيش غير سليم اللى يقدر ينقذ حياتها دلوقت خليه ياجى وانا الجميل ده مش هنساه طول حياتى
_سمااح بمكر وعياط متصنع :- ياحبيبتى يابنتى بس سليم نزل وهو مش طايق نفسه واتخانق معايا قبل ماينزل قعدت أقوله يجيلكم المستشفى ورفض واتعصب عليا وقالى انى مدخلش وماليش دعوة متتحرق ولا تموووت دى وحدة عمية وقالى كمان أنه كان هيغلط لو مشى معاكم المستشفى ،معرفش ابنى بقا كدا ازاااى بقا قااااسى كدا ليه
_حمدى بحسرة:- طب متعرفيش هو فين وانا اروح اترجاااه
_سماح:- لو اعرف كنت قولتلك
_قفل معاها حمدى وهو منهااار وف اللحظة دى دخل سليم على امه
_سليم:- كنتى بتكلمى ميين ياامى