_اسر بهزار:- هتتجوزينى ولا اروح اطلع عبير او ايه واتجوزهم
_جميلة برخامة:- افكر , وبعدين ايه دخل ايه ف الموضوع
_اسر:- وافقى الاول وانا اقولك
_جميلة بحسرة:- هتتجوز وحدة عم…
_حط أسر أيده على بوقها :- انتى بالنسبالى اغلى من اى حاجة ف الدنيا وانا عمرى مافكرت ف اللى انتى بتقوليه ده احنا ياجميلة بنكمل بعض وانا هكون عينيكى اللى هتشوفى بيها
_جميلة:- وانا عمرى ماهلاقى حد زيك يااسر انا بجد بحبك اووى وكل مرة بتزيد ف نظرى وحبى ليك بيكبر
_اسر:- أخيرا ياجزم*ة وانا بحبك اكتر بقا بصى انا مش بعرف اقول كلام من ده هبقى اتعلم واقولك
_جميلة:- اهبل قولتلك
_اسر:- اهبل بس بيحبك
جميلة :- طب يلا بقا طيب قولى آية مالها
_اسر :-اية بقا ياجميلتى كانت بتحبنى وهى برضو حاليا ف السجن والسبب انها عطت حقنة لطفل سببتله شلل واهل الطفل رفعوا عليها قضية واتسجنت
_جميلة :- يعنى عشانك عملت فيا كدا؟!
_اسر:- تقصدى ايه ؟!
_جميلة:- يلا نروح بيت اهلى وهقولك كل حاجة ف الطريق وانت كمان تحكيلى كل حاجة
_اسر:- يلا وبالمرة اخطبك منهم ،خدها من أيدها وركبها عربيته وومشيوا لبيت جميلة،اول مادخلت البيت كانت امها وأبوها قاعدين واختها بتذاكر فوق وسماح ف اوضتها وسليم برضو ف اوضته
_امها اول ماشافتها بعياط ولهفة جريت عليها وحضنتها:- كنتى فييييين متعرفيش انى كنت بموووت كل يوم عليكى لييه تقلقينى عليكى يابنتى ليه انا مكنتش عايشة والله ماكنت عايشة