_جميلة بعياط :- وانا اعمل ايه دلوقت
_عامر:- تروحى المسابقة بس الاول
_جميلة:- اروحها ازاى وانا حتى مش معايا بطاقة ولا اى حاجة وكمان اهلى دول اكيد بيموتوا كل يوم وهما مش عارفين عنى حاجة،كنت نفسى اكلمهم ف التلفون واقولهم انى بخير بس مكنتش هعرف اقولهم اللى حصل ازاى؟؟! كنت مستنية أما اروح واقابلهم بنفسى
_عامر:- انا هجهزهلك كل حاجة وكل اوراق سفرك وبالنسبة لأهلك فانا هوصل لابوكى وهقوله انك بخير بس ميجبش سيرة لاى مخلوق لحد اما تروحى المسابقة وترجعى احسن حد يحاول ياذيكى تانى
_جميلة بعد مااقتنعت بكلامه :- طب والكتابة بتعتى؟!
_اسراء:- بابا هيجبلك احسن منها
_جميلة:- لااااء ،انا عايزة نوع بتاعتى والا مش هعرف اكتب
_عامر :- حاضر
_اتصل عامر وعرف ابوها أن في حد حاول يقتلها بس مقالوش مين و انها عايشة كويسة وعرفه كمان ان حياتها ف خطر ومش لازم حد يعرف الا لما ترجع من المسابقة
_جميلة:- طب وانا كدا همشى ازاى؟!
_عامر:- هتمشى معايا انا وواحد تانى
_جميلة:- طب واسراء هتسيبها ازاى لوحدها
_اسراء:- لا اطمنى عمتو هتاجى تقعد معايا عشان دراستى بس اوعدينى ياجميلة انك تنجحى عشانك وعشان وعشان ناس كتير
_جميلة باابتسامة :- اوعدك
_سافرت جميلة وجه وقت المسابقة والمسابقة كان فاضلها خمس دقايق وجميلة لسة مجتش والكل مستغرب وبدأ الكل يسال عليها