_سليم وقف :- مش عايز اشوفك ولا اسمع صوتك تانى يخساااارة وطلع اوضته وقفل على نفسه وآية طبعا أما شافته بيسحب زينة راحت جرى على اوضتها وقفلت الباب على نفسها
_بعد شويه جه تلفون ردت سماح صرخت سمااح بس ف نفس الوقت فرحت لأن الوحيدة اللى كانت عارفة جرايمها ماتت
_زينة طلعت وفضلت ماشية على الطريق وهى بتعيط جت تعدى الطريق عربية خبطتها وماتت
_نرجع تانى عدى أيام وعزة بقت كويسة أما حمدى طمنها وقالها ممكن تكون جميلة راحت عشان المسابقة وأنهم هيستنوا لوقت المسابقة ويشوفوا وهنا اتجدد الامل عند عزة وقلبها اطمن شويه وبعدها رجعت البيت ،اما جهاد بقا في عالم موازى كل حياتها مذاكرة وكلية وآية رجعت تانى لتدريبها وكان محمد كل يوم بيعذبها وبيعاملها بقسوة لحد ما في يوم كانت سماح قاعدة بتتغدى هي وآية والباب خبط عليهم،فتحت أية الباب واتصدمت…
_فين الآنسة أية محمود
_اية بخوووف :- انا
_حضرتك مطلوووب القبض عليكى
_اية بصددددمة:- لي….لييي …
_سماح:- انت بتقووول ايه ياحضرة الضابط
_بنتك امبارح أدت حقنة لطفل سببتله شلل وأهل الطفل رفعوا عليها قضية
_اية:- لاااء محصلش والله ماحصل انا اصلا مبديش حقن لاطفال الحقينى ياامى
_الكلام ده تقوليه ف القسم هاتوها