_____في مكتب صغير ف المستشفى___
_ايه يادكتور آسر بقينا نشوفك كل فييين وفييين عاااش من شافك ولا الشهرة بقا خدتك مننا
_ اسر :- والله غصب عنى يادكتور محمد انت عااارف انى بقيت مشغول والله بالمرضى وبعدين ياعم انا مش بهتم بحوار الشهرة ده بالنسبالى اهم حاجة انى اكون سبب ف علاج المرضى
_محمد:- تشرب ايه طيب ؟!
_اسر:- لااا دانا يادوب الحق شغلى انا قولت أعدى اسلم عليك
_محمد :- بالسرعة دى ؟؟!
_اسر:- معلش مرة تانية هقعد معاك
_محمد :- خلااااص انا جاي اوصلك
_طلعوا من المكتب وهما خارجين سمعوا صوت عياط ولمة موجودة قدام أوضة من اوض المرضى
__اسر:- هو فيه ايه بالظبط يادكتور
_محمد :- دى مريضة جتلنا امبارح وللاسف فقدت عينها نتيجة لزيت سخن طار فيها والنهاردة الصبح أهلها جابوها لأنها حاولت تنتحر فقطعت شريان أيدها ونزفت دم كتير ومش لاقيين فصيلتها، وبعدين يلا يادكتور على
شغلك دى مش اول ولا اخر حالة نشوفها زى كدا
_اسر ولم يبالى لكلامه قرب من الناس دى …
_الممرضة :- حتى أصحابها مفيش وحدة فيهم فصيلتها طابقت فصيلة بنتكم
_عزة:- يعنى ايييه هتسيبوااا بنتى تموووت اتصرفووووو ابووس ايديكم