وطلعوا راحوا الكافيه يشربوا حاجه وفضلوا يتكلموا لحد اما جيه وقت المحاضرة التانيه وراحوا حضروها وبعد كده خلصوا طلعوا كان سليم ساند على العربية بشكل جميل وجميع البنات بيتغازلوا فيه حور حست بغيرة بس مبينتش
وبردوا متعرفش سببها
سليم:يالا
حور:يالا
سليم وصل ريتال وبعد كده طلعوا على القصر
حور وسليم نزلوا السويفى رحب بيهم وبعد كده طلعوا على الجناح حور دخلت الحمام وسليم غرفة الملابس
وكل واحد غير هدومه
حور قعدت تذاكر وسليم بيشتغل على مشروع جديد
الاتنين كانوا مندمجين لحد اما
حور:اوووف
سليم انتبه ليها : فى ايه
حور:مش فاهمة المسأله ديه
سليم:تعالى وانا هشرحهالك
حور:هتعرف
سليم:اه
وفعلا بدأ سليم يشرحلها وفعلا كان شرحه جميل وحور فهمت منه
حور:شكرا يا سليم
سليم:شكر على ايه يا حور عادى
قاطعهم الخدامة وهيا بتقول
سليم بيه السويفى بيه عايزك تحت انت والهانم علشان الغدا
سليم بصوت رجولى خشن:ماشي يا سعديه روحى انتى
يالا يا حور
نزلوا فعلا وكلوا وبعد كده طلعوا كل واحد كمل اللى كان بيعمله(حور مذاكرة وسليم شغل)
بعد وقت كبير حور تعبت من المذاكرة وسليم بردوا
حور قامت دخلت البلكونه ديه بقيت عادة عندها سليم حب يتكلم معاها ويتعرف عليها
دخل هو كمان لقاها بصة على النجمة اللى كل يوم تبص عليها
سليم:احم احم ممكن نتكلم مع بعض شويه
حور:اتفضل
سليم:احكيلى عنك يا حور
حور:انا بنت اتولدت لقت امها ميته وهيا بتولدها بابا سمانى حور كان بيقولى علشان انتى شبه الحوريات علشان
كده سميتك حور ماما كان نفسها اطلع مهندسه قبل اما تموت قالت كده لبابا وبابا قالى وهو كمان كان عايزنى اطلع مهندسه لحد اما جيه اتعس يوم فى حياتى وكان وقتها عندى ١١سنه وبدات تدمع كنت راجعة من الدرس زى مل يوم لقيت الناس ملمومه على البيت بتاعنا وفى ناس بتصوت انا مكنتش عارفه فى ايه زقيت الناس علشان اشوف فى ايه لقيت بابا مرمى على الارض كان فى دكتور جارنا سمعت وهو بيقول البقاء لله اول لما سمعت
الجمله ديه اتهبلت ازاى ازاى انا بابا وعدنى مش هيسيبنى الناس حاولت تهدينى بس انا كانت اعصابى سايبه وانهارت وفضلت اصرخ واعيط وجالى انهيار عصبى حد وضعف فى التنفس وفجاه حالى تشنجات ووشى اصفر وشفايفى ازرقت الناس صوتت اول لما شافتنى كده الدكتور جيه بسرعه وبعد الناس والاسعاف جات خادتنى